27.9 C
Ratnagiri
Thursday, June 13, 2024

पाकिस्तान सामना न खेळताच T20 वर्ल्ड कपमधून बाहेर पडणार….

आधीच संकटात सापडलेल्या पाकिस्तान क्रिकेट संघावर संकट...

पंढरपूरच्या आषाढी यात्रेसाठी एसटीच्या ५ हजार जादा बसेस सोडणार

पंढरपूरच्या आषाढी यात्रेसाठी वारकरी दरवर्षी 'विठू नामाचा...

शैक्षणिक साहित्याच्या दरात पंधरा टक्क्यांनी वाढ

शहरी व ग्रामीण भागातील शाळा सुरू होण्यासाठी...
HomeRatnagiri२ हजाराच्या नोटेवरून दुकानदार व ग्राहकांमध्ये वादाचे प्रसंग

२ हजाराच्या नोटेवरून दुकानदार व ग्राहकांमध्ये वादाचे प्रसंग

भारतीय रिझर्व्ह बँकेने २ हजारांची नोट ३० सप्टेंबरपासून चलनातून रद्द करण्याचा निर्णय घेतला असून, या निर्णयामुळे नागरिकांमध्ये चांगलाच गोंधळ निर्माण झाला आहे. बाजारपेठांमध्ये २ हजारांची नोट खपवण्याकडे नागरिकांचा कल वाढला असून पेट्रोलपम्प, मॉल्स, ज्वेलर्स दुकाने, मोठी हॉटेल्स, शॉपिंग कॉप्लेक्स अशा ठिकाणी या नोटांचे व्यवहार वाढत आहेत. अनेक ठिकाणी २ हजारांच्या नोटेवरून ग्राहक व दुकानदारांमध्ये वादाचे प्रसंगही उद्भवत आहेत. काही ग्राहकांकडून दुकानदार नोट घेत नसल्याचा आरोप होत आहे. त्यामुळे अशा दुकानदारांवर कारवाईची मागणी ग्राहकांकडून होत आहे. रिझर्व्ह बँकेने २ हजारांची नोट.

लवकरच रद्द होणार असल्याचा निर्णय घेतल्यापासून अफवांना सर्वत्र पेव फुटले असून, गैरसमज आणि अपुऱ्या माहितीमुळे लोकांमध्ये नोटेबाबत गोंधळ निर्माण झाला आहे. याची प्रचिती बाजारपेठांमध्ये पाहावयास मिळत आहे. बँकेने २ हजारांच्या नोटा बँकेत कितीही जमा करू शकता पण नोटा बदलताना २० हजारांपर्यंतच्या नोटा एकावेळी बदलता येतील, असे स्पष्ट केले आहे. तरीही अनेक लोक काहीही करू, पण २ हजारांची नोट खर्च करू, असा विचार करून व्यवहारात नोट वापरत आहेत. शहरांमध्ये मोठ मोठी हॉटेल्स, रेस्टॉरंट, बार, शॉपिंग कॉम्प्लेक्स, पेट्रोपम्प, मॉल्स, ज्वेलर्स दुकाने अशा ठिकाणांवर होणाऱ्या व्यवहारात २ हजारांचे चलन वापरण्याचे प्रमाण वाढले आहे. त्यामुळे व्यावसायिक, दुकानदारांची मात्र अडचण होत आहे.

RELATED ARTICLES

Most Popular