27.8 C
Ratnagiri
Saturday, October 1, 2022

दोन जिल्ह्यांसाठी वन्य प्राण्यांसाठी अद्ययावत रुग्णवाहिका दाखल

रत्नागिरीसह सिंधुदुर्गमधील वन्य प्राण्यांच्या बचावासाठी वनविभागाच्या खारफुटी...

गुहागर पोलिसांनी पलायन केलेला आरोपीच्या ४ तासात मुसक्या आवळल्या

आरोपीला न्यायालयातून परत नेत असताना लघुशंकेला जायचे...

कडवईच्या डॉक्टरांची हजारो रुपयांची ऑनलाईन फसवणूक

जिल्ह्यातील ऑनलाईन फसवणुकीच्या घटना दिवसेंदिवस वाढतच चालल्या...
HomeMaharashtraशैक्षणिक क्षेत्राला सुद्धा, आता महागाईची झळ !

शैक्षणिक क्षेत्राला सुद्धा, आता महागाईची झळ !

शैक्षणिक अभ्य्साक्रमासाठी लागणाऱ्या वह्या, पुस्तकांच्या किंमती वाढल्याने पालकांच्या अडचणी वाढणार आहेत.

देशात सध्या महागाई भडका उडालेला दिसत आहे. कोरोनामुळे देशासह जगभरातील इतर देशांच्या अर्थव्यवस्थेवर परिणाम झाला आहे.लवकरच नव्या शैक्षणिक वर्षाला सुरुवात होणार आहे. एकीकडे घरगुती सिलेंडर, भाज्या, कडधान्ये, तेल, पेट्रोल, डिझेलचे भाव दिवसेंदिवस वाढताना दिसत आहेत. तर दुसरीकडे आता या महागाईचा परिणाम शैक्षणिक पातळीवरही होत आहे.

शैक्षणिक अभ्य्साक्रमासाठी लागणाऱ्या वह्या, पुस्तकांच्या किंमती वाढल्याने पालकांच्या अडचणी वाढणार आहेत. अवघ्या दोन आठवडयानंतर नवीन शैक्षणिक वर्षाला सुरुवात होत आहे. मात्र यंदाच्या वर्षी वह्या पुस्तके खरेदी करायला जाताना, खिशाला चांगलीच झळ बसणार आहे. वह्या आणि पुस्तके तयार करण्यासाठी लागणाऱ्या कच्च्या मालाच्या किंमतीमध्ये कोरोना काळात प्रचंड वाढ झाल्याने तसेच कागदाच्या प्रतिकिलो दरामध्ये देखील वाढ झाली आहे.

शैक्षणिक वर्षाच्या पार्श्वभूमीवर विद्यार्थी आणि पालकांची आता पावसाळ्या आधी सर्व साहित्याची खरेदी करण्याची धावपळ सुरु होईल. अगदी पेन, पेन्सिल, वह्या, पुस्तकांपासून गणवेशापर्यंत सगळी खरेदीची धावपळ सुरु होईल. मात्र देशातील वाढत्या महागाईचा फटका आता शालेय जीवनावरही होणार आहे. महागाईचा परिणाम अभ्यासावरही होणार आहे. यावर्षी तुम्ही वह्या पुस्तके खरेदी करायला जाताय तर तुम्हाला खिशाला कात्री लागणार आहे. आता शालेय साहित्याच्या किंमती मध्येही वाढ झाली आहे. वह्या आणि पुस्तकांच्या किमतीमध्ये २० ते ३० टक्यांनी वाढ झाली आहे. त्यामुळे शैक्षणिक खर्चाचा भार वाढणार असल्याचं चित्र आहे.

कोरोना काळात वह्या आणि पुस्तके बनवण्यासाठी लागणाऱ्या कच्च्या मालाच्या किमती वाढल्या आहेत. त्यामुळे याचा भार आता शालेय जीवनावर पडणार आहे. शैक्षणिक वस्तू आणि साहित्याचे दरावर जीएसटीही वाढवल्याने उत्पादकांना देखील दर वाढवावे लागले आहेत. त्यामुळे याचा सर्वाचा फटका वह्या आणि पुस्तकांच्या किंमतीना बसणार आहे.

RELATED ARTICLES

Most Popular