सोशल मीडिया कंपनी फेसबुकने अखेर आपले नाव बदलले आहे. फेसबुकच्या नवीन नावाची घोषणा कंपनीचे संस्थापक मार्क झुकरबर्ग यांनी केली आहे. फेसबुक आता जगभरात मेटा या नावाने ओळखले जाईल.
सोशल मीडिया कंपनी फेसबुकने अखेर आपले नाव बदलले आहे.
फेसबुकचे नाव बदलण्याची चर्चा अनेक दिवसांपासून सुरू होती. पण नाव काय असेल यावर अडचण यायची. याआधीही मेटाचं नाव समोर आलं होतं, पण आता या नावावर शिक्कामोर्तब झालं आहे.
असे बोलले जात आहे की मार्क झुकेरबर्गला बर्याच काळापासून फेसबुकचे रीब्रँडिंग करायचे होते. त्याला कंपनीची वेगळी ओळख द्यायची होती. या मार्गाचा अवलंब करत फेसबुकचे संस्थापक मार्क झुकरबर्ग यांनी त्यांच्या प्लॅटफॉर्मचे नाव बदलले. फेसबुक एक मेटाव्हर्स तयार करण्यावर भर देत आहे ज्याद्वारे एक वेगळं जग म्हणजेच आभासी जग तयार होईल.
नाव का बदलले आणि त्याचा अर्थ काय आहे: फेसबुकचे माजी सिविक इंटिग्रिटी चीफ समिध चक्रवर्ती यांनी हे नाव सुचवले आहे. असे सांगितले जात आहे की मार्क झुकरबर्ग बर्याच काळापासून व्हर्च्युअल रिअॅलिटी आणि ऑगमेंटेड रिअॅलिटीमध्ये गुंतवणूक करत आहे. त्यामुळे हे नाव अगदी सामान्य आहे. अशा परिस्थितीत, नवीन नावाने हे स्पष्ट झाले आहे की कंपनी केवळ एका सोशल मीडिया प्लॅटफॉर्मपुरती मर्यादित राहू इच्छित नाही.
कंपनीने केवळ नाव बदलले नाही तर लोकांना रोजगाराचा पर्यायही उपलब्ध करून दिला आहे. कंपनी सुमारे 10 हजार नोकऱ्या देणार आहे. या नोकर्‍या मेटाव्हर्सचे आभासी जग तयार करण्यात मदत करतील. कंपनीने केवळ नावच बदलले नाही, तर कंपनीने यूजर्सची प्रायव्हसीही लक्षात ठेवली आहे. येत्या काळात कंपनी यूजर्ससाठी अनेक प्रकारची सुरक्षा नियंत्रणे उपलब्ध करून देणार असल्याचे मार्क झुकरबर्गने म्हटले आहे.
