गुजरातमधील मोरबी येथे रविवारी संध्याकाळी ६.३० वाजता केबल झुलता पूल कोसळल्याने सुमारे ४०० लोक मच्छू नदीत पडले. या अपघातात १३४ जणांचा मृत्यू झाला आहे. त्यांचे मृतदेह मोरबी येथील सिव्हिल हॉस्पिटलमध्ये पाठवण्यात आले आहेत. मृतांमध्ये ५० हून अधिक मुले आणि महिलांचा समावेश आहे. तर ७० हून अधिक लोक जखमी झाले आहेत.
राजकोटचे भाजप खासदार मोहन कुंडारिया यांच्या कुटुंबातील १२ जणांना जीव गमवावा लागला. अपघाताशी संबंधित काही व्हिडिओ सोशल मीडियावर व्हायरल झाले आहेत. पूल कोसळल्यानंतर काही वेळातच एक व्हिडिओ दिसत होता, ज्यामध्ये लोक तुटलेल्या पुलावर लटकून मदतीची याचना करत आहेत.
अपघातानंतर कोणी पोहत तर कोणाला तेथे उपस्थित लोकांनी वाचवले. एका व्हिडिओमध्ये काही लोक मृतदेह घेऊन धावत होते. या व्हिडिओमध्ये अपघातानंतर काही वेळातच लोक तुटलेल्या पुलावर लटकताना दिसत आहेत. यातील काही शरीराचे अवयव पाण्यात आहेत. हे सर्वजण तुटलेल्या पुलावरून मदत मागताना दिसत आहेत. पुलावर लटकलेल्या लोकांना नंतर वाचवण्यात आल्याचे वृत्त आहे.
अपघातामुळे नदीत बुडालेल्या लोकांना वाचवण्यासाठी स्थानिक नागरिक नदीत उतरले. त्यांनी बुडलेल्या लोकांना नदीतून बाहेर काढले आणि वैद्यकीय पथकांनी त्यांना रुग्णालयात दाखल केले. असाच एक व्हिडिओ समोर आला आहे, ज्यामध्ये काही लोक मृतदेह बाहेर काढत आहेत. हॉस्पिटलमधील हा व्हिडीओ असून तेथे गोंधळाचे वातावरण होते. अपघातात मृत्युमुखी पडलेल्यांचे मृतदेह आणि जखमींचे येथे आणण्यात आले. रूग्णालयात जखमींबरोबरच गर्दीही वाढली होती. यात बहुतांश पीडितांचे नातेवाईक होते, जे असह्य दिसत होते.
रविवारी सुट्टीचा दिवस असल्याने क्षमतेपेक्षा जास्त लोक झुलत्या पुलावर जमा झाल्याचे सांगण्यात येत आहे. दिवाळीची सुट्टी आणि रविवार असल्याने गर्दीही जास्त होती. पुलाच्या क्षमतेपेक्षा जास्त लोकांना पुलावरून जाण्यापासून का रोखण्यात आले नाही. हे अपघाताच्या तपासानंतरच कळेल. पुलावरील ओव्हरलोडिंगमुळे हा अपघात झाल्याचे सांगण्यात येत आहे. यादरम्यान हे लोक पूल हलवण्याची मस्ती करू लागले.
