सुपरस्टार शाहरुख खानने सोशल मीडियावर पोस्ट शेअर करून भारतीय क्रिकेट नियामक मंडळाचे म्हणजेच बीसीसीआय कौतुक केले आहे. खरं तर, बीसीसीआयचे सचिव जय शाह यांनी नुकतीच घोषणा केली की ते महिला आणि पुरुष क्रिकेट खेळाडूंना समान मानधन देणार आहेत आणि वर्षानुवर्षे सुरू असलेला भेदभाव संपुष्टात आणणार आहेत. ही बातमी कळल्यानंतर चाहत्यांपासून ते सेलिब्रिटींपर्यंत सर्वजण आनंदी असून सोशल मीडियाच्या माध्यमातून आपला आनंद व्यक्त करत आहेत.
यावर प्रतिक्रिया देताना शाहरुख खानने आपल्या पोस्टमध्ये लिहिले की, ‘किती उत्तम फ्रंट फूट शॉट आहे, खेळ अनेक गोष्टींमध्ये समानता शिकवतो. आशा आहे की या निर्णयामुळे इतरांनाही असे करण्याची प्रेरणा मिळेल. शाहरुखशिवाय अक्षय कुमार, प्रिती झिंटा, अनुष्का शर्मा, तापसी पन्नू यांसारख्या अनेक सेलिब्रिटींनीही बीसीसीआयच्या या निर्णयाचे कौतुक केले आहे.
बीसीसीआयचे सचिव जय शाह यांनी मॅच मानधनाच्या संदर्भात आपल्या पोस्टमध्ये लिहिले आहे की, ‘मला हे घोषित करताना आनंद होत आहे की बीसीसीआयने भेदभावाचा सामना करण्याच्या दिशेने पहिले पाऊल उचलले आहे. आम्ही महिला क्रिकेटपटूंसाठी वेतन इक्विटी धोरण आणत आहोत. क्रिकेटमध्ये स्त्री-पुरुष समानतेच्या नव्या युगात प्रवेश करत असताना मॅच फी पुरुष आणि महिला क्रिकेटपटूंसाठी समान असेल.
शाहरुखच्या वर्कफ्रंटबद्दल बोलायचे झाले तर पुढील वर्षी त्याचे ३ चित्रपट प्रदर्शित होणार आहेत. किंग खानने त्याच्या तिन्ही चित्रपटांचे शूटिंग पूर्ण केले आहे. ‘पठाण’ २५ जानेवारी २०२३ रोजी प्रदर्शित होणार आहे, तर ‘जवान’ चित्रपट जूनमध्ये पडद्यावर दाखल होणार आहे. या चित्रपटात शाहरुख खानसोबत विजय, नयनतारा आणि सान्या मल्होत्रा देखील दिसणार आहेत. त्यानंतर डिसेंबरमध्ये शाहरुख खानचा ‘डंकी’ चित्रपट येणार आहे. अशा परिस्थितीत शाहरुखच्या चाहत्यांसाठी येणारे वर्ष खूपच रोमांचक असणार आहे.
