25.9 C
Ratnagiri
Monday, July 15, 2024

मुंबईला जगाची आर्थिक राजधानी बनविण्याचं माझं स्वप्नः नरेंद्र मोदी

लोकसभेच्या निवडणूक निकालानंतर पहिल्यांदाच पंतप्रधान नरेंद्र मोदी...

संगमेश्वरात एसटीतून चक्क छत्र्या उघडून करावा लागला प्रवास

शनिवारी संगमेश्वर ते कोंडये सोडण्यात आलेल्या एस....

मुंबईसह कोकणातही मुसळधार पावसाची बरसात…

मुंबई शहरासह उपनगरात आज सकाळपासूनच पावसाने दमदार...
HomeRatnagiriराज्यस्तरीय शर्यतीत चव्हाणांची बैलगाडी प्रथम

राज्यस्तरीय शर्यतीत चव्हाणांची बैलगाडी प्रथम

या स्पर्धेत ७० स्पर्धक सांगली, सातारा, कोल्हापूरसह रत्नागिरी जिल्ह्यातूनही सहभागी झाले होते.

पालकमंत्री उदय सामंत यांच्या वाढदिवसानिमित्त रत्नागिरीकरांनी प्रथमच राज्यस्तरीय बैलगाडा शर्यतीचा थरार अनुभवला. शर्यत जिंकण्यासाठी त्या जोड्यांच्या मालकांचा आटापिटा सुरू होता. शौकिनांच्या गर्दीन जोरदार माहोल बनला होता. या वेगाच्या शर्यतीत राजाराम आत्माराम चव्हाण (कडवई, संगमेश्वर) यांच्या बैलजोडीने कमी वेळेत नियोजित अंतर पार करत पहिला क्रमांक पटकावला. पालकमंत्री उदय सामंत यांच्या वाढदिवसानिमित्त रोशन फाळके पुरस्कृत ही बैलगाडा शर्यत पालकमंत्री केसरी स्पर्धा शहराजवळच्या चंपक मैदानावर पार पडली. प्रथमच ही स्पर्धा रत्नागिरीत घेण्यात आली होती.

या स्पर्धेत ७० स्पर्धक सांगली, सातारा, कोल्हापूरसह रत्नागिरी जिल्ह्यातूनही सहभागी झाले होते. स्पर्धेचे उद्घाटन शिवसेना जिल्हाप्रमुख राहुल पंडित यांच्या हस्ते झाले. त्या वेळी माजी उपनगराध्यक्ष रोशनभाई फाळके, माजी नगरसेवक विकास पाटील, राजन शेट्ये, विजय खेडेकर, शहरप्रमुख बिपिन बंदरकर, वसंत पाटील आदी उपस्थित होते. शर्यतीत राजाराम आत्माराम चव्हाण यांची बैलजोडी अव्वल ठरली. त्यांनी ४८ सेकंदात अंतर पार केले.

या बैलगाडीला प्रथम क्रमांक मिळाला असून, १ लाख रुपये रोख आणि मानाची ढाल हिंद केसरी संतोष वेताळ यांच्या हस्ते देण्यात आली. दुसरा क्रमांक नितीन मधुकर देसाई (पाली, रत्नागिरी) यांच्या बैलगाडीला मिळाला. त्यांना पोलिस उपविभागीय अधिकारी विनित चौधरी यांच्या हस्ते ७० हजार रुपये, पारितोषिक व मानाची ढाल प्रदान करण्यात आली. तिसऱ्या क्रमांकाचा मानकरी सागर अनंत गुरव (आरवली, संगमेश्वर) यांची बैलगाडी ठरली.

RELATED ARTICLES

Most Popular