रत्नागिरी / सावंतवाडी: गणेशोत्सवाच्या धामधुमीत आणि दैनंदिन प्रवासात कोकणात जाणाऱ्या चाकरमान्यांसाठी रेल्वे प्रशासनाने एक अत्यंत दिलासादायक आणि आनंदाची बातमी दिली आहे. मुंबईतील छत्रपती शिवाजी महाराज टर्मिनस (CSMT) ते दक्षिण कोकणातील सावंतवाडी रोड दरम्यान आता नियमित दैनिक एक्सप्रेस ट्रेन धावणार आहे. या नव्या सेवेमुळे मुंबई ते कोकण प्रवास करणाऱ्या हजारो प्रवाशांची गर्दीच्या त्रासातून मोठी सुटका होणार आहे.
खासदार डॉ. श्रीकांत शिंदे आणि खासदार नरेश म्हस्के यांनी कोकणवासीयांच्या प्रवासाच्या सोयीसाठी केंद्रीय स्तरावर सातत्याने पाठपुरावा केला होता. त्यांच्या या प्रयत्नांना यश आले असून, केंद्रीय रेल्वेमंत्री अश्विनी वैष्णव यांनी या नव्या दैनंदिन गाडीला मंजुरी दिली आहे.
दुपारी दाखवला हिरवा झेंडा
या नव्या दैनिक एक्सप्रेस सेवेचा औपचारिक शुभारंभ गुरुवार, ३ सप्टेंबर रोजी छत्रपती शिवाजी महाराज टर्मिनस येथून दुपारी १२:२० वाजता करण्यात आला. मान्यवरांच्या उपस्थितीत गाडीला हिरवा झेंडा दाखवून दक्षिण कोकणच्या दिशेने रवाना करण्यात आले. या नियमित गाडीमुळे कोकणात ये-जा करणाऱ्या स्थानिक रहिवाशांसह पर्यटकांचीही उत्तम सोय होणार आहे.
गाडी क्रमांक आणि तपशील
रेल्वे प्रशासनाने नियमित सेवेसाठी गाडी क्रमांक निश्चित केले असून, हे वेळापत्रक नियमितपणे लागू राहील:
-
गाडी क्रमांक १५०८७: छत्रपती शिवाजी महाराज टर्मिनस (CSMT) ते सावंतवाडी रोड
-
गाडी क्रमांक १५०८८: सावंतवाडी रोड ते छत्रपती शिवाजी महाराज टर्मिनस (CSMT)
प्रमुख स्थानके आणि थांबे (Stoppages)
प्रवाशांना चढ-उतार करणे सोपे जावे यासाठी कोकण रेल्वे मार्गावरील छोट्या-मोठ्या अशा तब्बल २२ महत्त्वाच्या स्थानकांवर या गाडीला थांबे देण्यात आले आहेत:
ही नवीन दैनिक एक्सप्रेस सुरू झाल्यामुळे नियमित कोकणकन्या, तुतारी किंवा मांडवी एक्सप्रेसवर येणारा प्रवाशांचा प्रचंड ताण बऱ्याच अंशी कमी होण्यास मदत होणार आहे.
