26.1 C
Ratnagiri
Thursday, July 18, 2024

जिल्ह्यात २० तारीखे पर्यंत रेड अलर्ट…

जिल्ह्यात पुन्हा एकदा पावसाचा जोर वाढला असून...

‘सिव्हिल’मधील समस्यांचा वाचला पाढा – शिवसेनेचे कार्यकर्ते आक्रमक

गोरगरिबांचा आधार असलेल्या जिल्हा रुग्णालयाची वरून रंगरंगोटी...

चिपळूणमध्ये विहिरीतील पाण्यात मगरीचे पिल्लू, वनविभागाने पकडले

शहरातील वाणीआळीतील एका विहिरीत पुराच्या पाण्याबरोबर मगरीचे...
HomeDapoliदापोलीतील गुरुकृपा कात फॅक्टरी सील, चोरीचा खैर साठा सापडला

दापोलीतील गुरुकृपा कात फॅक्टरी सील, चोरीचा खैर साठा सापडला

कंपनीत एकूण ९३ लिक्विडचे कॅन आढळले.

सांगोला येथील वन विभागाच्या पथकाने विसापूर (ता. दापोली) येथील गुरुकृपा कात फॅक्टरीवर बुधवारी (ता. २९) धाड टाकली. सांगोला येथून आणलेले खैराचे ४७०० किलो लाकूड जप्त केले आहे. त्याशिवाय कंपनीतील खैर लाकडाचे २४१ नग जप्त करण्यात आले आहेत. कातासाठी बनवलेले ३ हजार ७२० लिटरचे ९३ कॅन जप्त करण्यात आले असून, कंपनीतील इतर लाकूड साठ्याचे मोजमाप सुरू आहे. वनविभागाने बुधवारी रात्री ही कंपनी सील केली आहे. सांगोला येथील वनक्षेत्रातून खैराच्या लाकडाची तस्करी करून कोकणात विक्री करणाऱ्या दोघांना सांगोला वनविभागाने अटक केली होती.

त्यांच्याकडून मिळालेल्या माहितीनुसार, वनविभागाने विसापूर येथील गुरुकृपा कात फॅक्टरीवर धाड टाकली. संशयित आरोपी दत्तात्रय गोडसे यांनी विसापूर येथील गुरुकृपा कात फॅक्टरीचे मालक नीलेश शिरोडकर यांना सांगोला येथून खैराच्या लाकडाचा पुरवठा केला होता. गोडसे याने टेम्पोमध्ये लाकूड भरून सांगोला ते खेडपर्यंत आणले होते. शिरोडकर यांच्याकडून खेड येथे वीस हजार रुपये घेऊन त्यांना खैराचे लाकूड भरलेला टेम्पो दिला. शिरोडकर याने खेड ते विसापूरपर्यंत हा टेम्पो आणला. हे तपासामध्ये उघड झाल्यानंतर सांगोला येथील वन विभागाच्या पथकाने विसापूर येथील गुरुकृपा कात फॅक्टरीवर कारवाई केली.

कारवाईदरम्यान त्यांना संशयिताने सांगितलेले खैर लाकडाचे नग सापडले. त्यानुसार सांगोला येथील पथकाने शासनाच्या जागेतून तोडलेल्या खैरावर निळ्या रंगाच्या मार्करने जप्तीची मोहोर उमटवली आणि तो लाकूड साठा दापोली येथील वन विभागाच्या ताब्यात दिला. २०० असोलो अन् सोललेले ४१ नग दापोलीच्या वनविभागाला पुढील चौकशीत कंपनीमध्ये एक बॉयलर, तीन रिऍक्टर, एक स्टीम मशीन सापडली आहे. त्याशिवाय खैर लाकडाचे विनासोललेले २०० नग आणि सोललेले ४१ नग आढळून आले आहेत.

कात बनवण्यासाठी लागणाऱ्या लिक्विडचा साठा मोठ्या प्रमाणावर कंपनीत आढळून आला आहे. कंपनीत एकूण ९३ लिक्विडचे कॅन आढळले. एका कॅनमध्ये ४० लिटर लिक्विड आहे. त्याप्रमाणे एकूण ३ हजार ७२० लिटर लिक्विड कंपनीमध्ये आढळले आहे. सांगोला येथून संशयित आरोपीला घेऊन आलेले पथक आज सकाळी पुन्हा सांगोल्याकडे रवाना झाले. आज दिवसभर दापोलीतील वनविभागाचे कर्मचारी कंपनीची चौकशी करत होते.

RELATED ARTICLES

Most Popular