21.1 C
Ratnagiri
Saturday, February 24, 2024

सुक्या काजू बियांचे दरही गडगडले,वातावरणाचा परिणाम

प्रतिकूल आणि ढगाळ हवामान, सकाळच्या सत्रामध्ये दाट...

काजरघाटी-धारेवर ब्राऊन शुगर विकणाऱ्याला अटक

शहरालगतच्या वर्दळीचे ठिकाण असलेल्या काजरघाटी- धारेवर ब्राऊन...
HomeKhedकोकणरेल्वे मार्गावरून धावणाऱ्या गाड्यांना विलंब

कोकणरेल्वे मार्गावरून धावणाऱ्या गाड्यांना विलंब

१४ रेल्वे गाड्यांचे वेळापत्रक कोलमडले असून प्रवाशांची रखडमपट्टी होत आहे.

सलग सुट्ट्यांमुळे कोकण मार्गावरून धावणाऱ्या सर्वचरेल्वेगाड्या हाऊसफुल्ल धावत असतानाच त्यात रेल्वेगाड्यांच्या ‘लेटमार्क’चीही पडलेली भर कायम आहे. १४ रेल्वे गाड्यांचे वेळापत्रक कोलमडले असून प्रवाशांची रखडमपट्टी होत आहे. शनिवारीही एलटीटी-मंगळूरसह एलटीटी-मडगाव एक्सप्रेस ५ तास विलंबाने धावली. अन्य १४ रेल्वेगाड्यांचेही वेळापत्रक विस्कळीत झाल्याने ‘विकेंड’ला झालेल्या रखडपट्टीने प्रवासी अक्षरशः मेटाकुटीस आले. रेल्वेगाड्यांचे वेळापत्रक बिघडण्याचे नेमके कारण समजू शकले नाही. ०१४२८ क्रमांकाची मडगाव- पनवेल स्पेशल ३ तास ५० मिनिटे, तर ०१४४८ क्रमांकाची करमाळी- पनवेल स्पेशल २ तास उशिराने रवाना झाली. ०९०५७ क्रमांकाची उधना मंगळूर स्पेशल ३ तास ४५ मिनिटे, तर १०१०३ क्रमांकाची सीएसएमटी-मडगाव मांडवी एक्सप्रेस २ तास विलंबाने धावली.

१०१०६ क्रमांकाची सावंतवाडी-दिवा पॅसेंजर १ तास ४५ मिनिटे तर १२१३४ क्रमांकाची मंगळूर- सीएसएमटी एक्सप्रेस १ तास ३० मिनिटे उशिराने मार्गस्थ झाली. यापाठोपाठ १२२१८ क्रमांकाची केरळा संपर्कक्रांती एक्सप्रेस १ तास २५ मिनिटे तर १२४३१ क्रमांकाची तिरुवअनंतपूरम-निजामुद्दीन राजधानी एक्सप्रेस २ तास १० मिनिटे उशिराने रवाना झाली. १२६१८ क्रमांकाची निजामुद्दीन- एर्नाकुलम मंगला एक्सप्रेस ३ तास ३० मिनिटे तर १२९७८ क्रमांकाची मरूसागर एक्सप्रेस ३ तास विलंबाने मार्गस्थ झाली. २२१२० क्रमांकाची मडगाव-सीएसएमटी तेजस एक्सप्रेस १ तास तर १९५७८ क्रमांकाची जामनगर-तिरुनेलवेली एक्सप्रेस १ तास ३५ मिनिटे उशिराने धावली. अन्य दोन गाड्यांच्या सेवांवरही परिणाम झाला.

RELATED ARTICLES

Most Popular