25.6 C
Ratnagiri
Sunday, August 31, 2025

शिंदेंच्या मंत्र्यांवर लक्ष ठेवण्यासाठी अधिकारी…

राज्यात महायुती असली तरीही भाजपकडून कुरघोडींचे राजकारण...

पेढांबेतील पूल दुरुस्तीच्या प्रतीक्षेत, अवजड वाहतूक बंद

दुरुस्तीअभावी धोकादायक झालेला पेढांबे येथील जुन्या पुलावरून...

जनआरोग्य योजनेतील कार्ड बनवा : एम. देवेंदर सिंह

एकत्रित आयुष्मान भारत प्रधानमंत्री जनआरोग्य योजना, महात्मा...
HomeKokanपिठाच्या चक्कीत पाय अडकून गिरणी मालकाला गंभीर दुखापत

पिठाच्या चक्कीत पाय अडकून गिरणी मालकाला गंभीर दुखापत

पिठाच्या चक्कीत पाय अडकून गिरणी मालक गंभीर जखमी झाल्याची घटना शनिवारी सायंकाळी ७ वाजण्याच्या सुमारास राम आळी परिसरात घडली. जखमी झालेल्या अनिल भार्गव पोटफोडे यांना पुढील उपचारासाठी कोल्हापूर येथे हलविण्यात आले आहे. मिळालेल्या माहितीनुसार अनिल पोटफोडे यांची राम आळीमध्ये पिठाची चक्की असून शनिवारी ते नेहमीप्रमाणे चक्कीत पीठ काढीत असताना त्यांचा पाय अचानक चक्कीच्या पट्ट्यावर पडला. त्यांचे दोन्ही पाय चक्कीच्या- पट्ट्यात अडकल्याने दोन्ही पायाना गंभीर दुखापत झाली आहे.

ही घटना घडताच त्यांना तात्काळ जिल्हा रुग्णालयात हलविण्यात आले. मात्र त्याच्या पायांना गंभीर दुखापत झाल्याने त्यांना तत्काळ कोल्हापूर येथे हलविण्यात आले. दरम्यान यापूर्वी देखील त्यांचा असाच अपघात झाला होता. त्यावेळी त्यांच्या बोटाला गंभीर इजा झाली होती. पोटफोडे यांच्या अपघाताची माहिती मिळताच राम आळीतील दुकानदारांनी जिल्हा रुग्णालयात धाव घेतली. या घटनेची नोंद शहर पोलीस स्थानकात करण्यात आली असून पुढील तपास सुरु आहे.अनिल पोटफोडे हे रत्नागिरी शहरातील सुप्रसिद्ध व्यवसायिक आहेत. रत्नागिरीतील सुप्रसिद्ध प्राचिन श्री राम मंदिराचे ते एक मानकरी आहेत. मंदिरातील हत्तीच्या सजावटीचा मान त्यांच्याकडे आहे.

RELATED ARTICLES

Most Popular