27.7 C
Ratnagiri
Saturday, October 1, 2022

आंबा घाटात झालेल्या ट्रक अपघातात, महिला जागीच ठार

रत्नागिरीला जोडणाऱ्या महामार्गांवर एक दिवस आड अपघातांची...

उद्योगपती राज कुंद्रा यांनी केली “ही” विशेष मागणी

पोर्नोग्राफी प्रकरणी उद्योगपती राज कुंद्रा यांनी सीबीआयला...
HomeEntertainmentजुन्या कबुतरफेकी प्रकरणी गायक दलेर मेहंदीच्या शिक्षेला स्थगिती

जुन्या कबुतरफेकी प्रकरणी गायक दलेर मेहंदीच्या शिक्षेला स्थगिती

दलेर मेहंदीला कबुतरफेकीप्रकरणी तीन वर्षांपेक्षा कमी शिक्षा झाल्यामुळे तात्काळ जामीन मंजूर करण्यात आला.

प्रसिद्ध पंजाबी गायक दलेर मेहंदी यांना पंजाब-हरियाणा उच्च न्यायालयाकडून दिलासा मिळाला आहे. १९ वर्ष जुन्या कबुतरफेकी प्रकरणी उच्च न्यायालयाने दलेर मेहंदीच्या शिक्षेला स्थगिती दिली आहे. दलेर मेहंदी सध्या पटियाला तुरुंगात बंद आहे. जामीन आदेश कारागृह व्यवस्थापनाकडे आल्यानंतर त्यांची सुटका केली जाईल.

यापूर्वी दलेर मेहंदीने त्याच्या शिक्षेविरुद्ध अपील केले होते, परंतु अतिरिक्त सत्र न्यायाधीश एचएस ग्रेवाल, पटियाला यांच्या न्यायालयाने अपील फेटाळून लावले आणि त्याची दोन वर्षांची शिक्षा कायम ठेवली. न्यायालयाच्या निर्णयानंतर त्याला २३ जुलै रोजी अटक करून पटियाला तुरुंगात पाठवण्यात आले.

२००३ मध्ये मेहंदीवर कबूतर मारल्याचा गुन्हा दाखल झाला होता. दलेर मेहंदी आणि त्याचा भाऊ शमशेर सिंग यांच्यावर लोकांकडून मोठी रक्कम गोळा करून त्यांना आपल्या ग्रुपचे सदस्य बनवून अवैधरित्या परदेशात पाठवल्याचा आरोप आहे. २०१८ मध्ये, पटियाला न्यायालयाने त्याला दोन वर्षांची शिक्षा सुनावली, परंतु दलेर मेहंदीने शिक्षा रद्द करण्यासाठी अपील केले. पटियाला येथील अतिरिक्त सत्र न्यायाधीशांनी दलेरची याचिका फेटाळून लावली आणि शिक्षा कायम ठेवली. यानंतर पटियाला पोलिसांनी त्याला अटक केली.

२००३ च्या या प्रकरणी पतियाळा सदर पोलीस ठाण्यात विविध कलमान्वये गुन्हा दाखल करण्यात आला होता. १५ वर्षांनंतर, १६ मार्च २०१८ रोजी न्यायदंडाधिकारी प्रथम श्रेणी निधी सैनी, पटियाला यांच्या न्यायालयाने मेहंदीला फसवणूक आणि कट रचल्याप्रकरणी दोषी ठरवले आणि त्याला दोन वर्षांच्या कारावासाची शिक्षा सुनावली. दलेर मेहंदीला कबुतरफेकीप्रकरणी तीन वर्षांपेक्षा कमी शिक्षा झाल्यामुळे तात्काळ जामीन मंजूर करण्यात आला. या प्रकरणातील अन्य दोन आरोपी शमशेर सिंग आणि ध्यान सिंग यांचा यापूर्वीच मृत्यू झाला आहे.

RELATED ARTICLES

Most Popular