26.9 C
Ratnagiri
Thursday, July 3, 2025

कामथेतील नदीत प्रदूषित पाणी विधानसभेत निकमांनी उठवला आवाज

नद्यांमध्ये रासायनिक सांडपाणी सोडणारे टँकर आणि साफ़यीस्ट...

रत्नागिरी रत्नदुर्ग किल्ल्यावरून पडलेली तरूणी नाशिकची?

रत्नदुर्ग किल्ल्यावरून रविवारी दुपारी खाली समुद्रात कोसळलेल्या...

चिपळूण-रत्नागिरी मार्ग होणार खड्डेमुक्त : पालकमंत्र्याचे आश्वासन

पावसाळी अधिवेशन सुरू होण्यापूर्वी पालकमंत्री उदय सामंत...
HomeRatnagiriरत्नागिरी वैद्यकीय महाविद्यालय दोषी नाही…

रत्नागिरी वैद्यकीय महाविद्यालय दोषी नाही…

नोटीस बजावण्यात आलेल्या खासगी महाविद्यालयांचाही समावेश आहे.

राष्ट्रीय वैद्यकीय आयोगाने देशभरातील सर्व वैद्यकीय महाविद्यालयांना पत्र पाठवून पदवी शाखेतील शिकाऊ (इंटर्स), निवासी डॉक्टर यांना देण्यात येणाऱ्या विद्यावेतनाची माहिती मागितली होती. राज्यातील २० वैद्यकीय महाविद्यालयांनी आयोगाला ही माहिती न दिल्याने दंडात्मक कारवाई का करू नये, अशी कारणे दाखवा नोटीस बजावली. त्यामध्ये रत्नागिरीतील शासकीय वैद्यकीय महाविद्यालयाचा समावेश आहे; परंतु या वैद्यकीय महाविद्यालयाची अजूनही शेवटची बॅच पास झालेली नाही. त्यामुळे विद्यार्थ्यांबाबत माहिती उपलब्ध नाही. यात महाविद्यालयाचा दोष नाही, असे आयोगाला कळवल्याचे शासकीय वैद्यकीय महाविद्यालयाचे अधिष्ठाता जयप्रकाश रामानंद यांनी सांगितले. वर्षाच्या सुरुवातीला सर्वोच्च न्यायालयाने आयोगाकडून देशातील सर्व वैद्यकीय महाविद्यालयातील पदवी शाखेतील इंटर्न्स, निवासी डॉक्टर यांना देण्यात येणाऱ्या विद्यावेतनाची माहिती मागितली होती.

त्यानुसार देशभरातील १९८ वैद्यकीय महाविद्यालयांनी माहिती दिलेली नाही. त्यांना नोटीस बजावण्यात आल्या आहेत. यामध्ये शासकीय महाविद्यालयांमध्ये धुळे येथील श्री. भाऊसाहेब हिरे शासकीय वैद्यकीय महाविद्यालय, शासकीय वैद्यकीय महाविद्यालय लातूर, शासकीय वैद्यकीय महाविद्यालय अकोला, राजीव गांधी वैद्यकीय महाविद्यालय ठाणे, डॉ. शंकरराव चव्हाण शासकीय वैद्यकीय महाविद्यालय नांदेड, स्वामी रामानंद तीर्थ ग्रामीण शासकीय वैद्यकीय महाविद्यालय अंबाजोगाई, शासकीय वैद्यकीय महाविद्यालय परभणी, शासकीय वैद्यकीय महाविद्यालय रत्नागिरी, शासकीय वैद्यकीय महाविद्यालय सिंधुदुर्ग, शासकीय वैद्यकीय महाविद्यालय अलिबाग, शासकीय वैद्यकीय महाविद्यालय नंदुरबार या महाविद्यालयांचा समावेश आहे. नोटीस बजावण्यात आलेल्या खासगी महाविद्यालयांचाही समावेश आहे.

RELATED ARTICLES

Most Popular