33.2 C
Ratnagiri
Thursday, February 29, 2024

कातकरी कुटुंबीयांसाठी ‘शासन आपल्या दारी’

चिपळूण तालुक्यात वर्षानुवर्षे वास्तव्यास असलेल्या; परंतु अधिकृत...

चिपळुणातील वृद्ध महिलेच्या खुनाला वाचा फुटली

वालोपे येथे झालेल्या वृद्ध महिलेच्या खुनाला अखेर...

किरण सामंतांनी घेतले ना. नारायण राणेंचे आशीर्वाद…

रत्नागिरी सिंधुदुर्ग लोकसभा मतदारसंघातून भाजपचे जेष्ठ नेते...
HomeKhedखेडमध्ये लाकडे वाहून नेणाऱ्या ट्रकने घेतला पेट

खेडमध्ये लाकडे वाहून नेणाऱ्या ट्रकने घेतला पेट

ग्रामस्थांनी तत्काळ खेड नगरपरिषदेचा बंब मागवला.

खेड-शिवतर मार्गावरील मुरडे खेडेकरवाडी नजीक जळाऊ लाकडे वाहून नेणाऱ्या एका मालवाहू ट्रकने अचानक पेट घेतला. आज संध्याकाळी सात वाजण्याच्या सुमारास ही घटना घडली. शिवतरहून खेड दिशेने जळाऊ लाकडे वाहून घेऊन हा ट्रक (एमएच १७, क्यूजे ३७५१) निघाला होता. मुरडे खेडेकरवाडी नजीक येताच ट्रकने अचानक पेट घेतला. रस्त्यावर अचानकच ट्रक पेटल्यामुळे स्थानिक ग्रामस्थांसह रस्त्यावरून येणाऱ्या जाणाऱ्या वाहनचालकांची एकच धावपळ उडाली. ग्रामस्थांनी तत्काळ खेड नगरपरिषदेचा बंब मागवला. त्यानंतर ही आग आटोक्यात आणली.

या घटनेत कोणतीही जीवितहानी हानी झालेली नाही. परंतु ट्रक जळून खाक झाला. आंबये, जामगे, शिवतर, चिंचाळी, सातेरी जामगे या भागातील जंगल परिसरात मोठ्या प्रमाणात जंगलतोड होत असते. या परिसरातून नेहमीच जळाऊ लाकडांची वाहतूक मुंबई- पूणे- कोल्हापूर या सारख्या मोठ्या शहरांतून होते. आज देखील अशीच वाहतूक सुरू असताना खेड- शिवतर मार्गावर ही घटना घडली.

RELATED ARTICLES

Most Popular