पुन्हा एकदा मुंबईसह महाराष्ट्र बलात्काराच्या घटनेने हादरुन निघाली आहे. डोंबिवलीमध्ये एका १५ वर्षाच्या अल्पवयीन मुलीवर ३० नराधम सामुहिक बलात्कार करत असल्याची धक्कादायक बातमी समोर आली आहे. या अल्पवयीन मुलीवर ३० जण वारंवार सामुहिक बलात्कार करत असल्याची भयंकर माहिती माहिती समोर आली आहे.
आरोपींपैकी काही जणांचे नातेवाईक हे राजकीय पक्षाचे पदाधिकारी असल्याची गंभीर माहिती समोर आली आहे. त्यामुळे हेच राजकीय वजन लक्षात घेऊन, आरोपींनी अल्पवयीन पीडितेवर बलात्कार केला का? असा प्रश्न आता जनतेकडून उपस्थित केला जातो आहे. याप्रकरणी मानपाडा पोलीस ठाण्यात २९ जणांविरोधात गुन्हा दाखल केला आहे. तर दोन अल्पवयीन मुलांसह २३ जणांना ताब्यात घेतलं आहे.
लहान वयामध्ये प्रेमात पडणे, पीडीतेला चांगलच महागात पडलं आहे. आरोपींमध्ये तिच्या प्रियकराचा सुद्धा समावेश असून, त्याने जानेवारी महिन्यात या पीडित मुलीवर बलात्कार करत त्याचा व्हिडिओ काढला. आणि या व्हिडीओवरून मुलीला सतत ब्लॅकमेल करत तिच्यावर ३० जणांनी बलात्कार केला. मागील ८ महिन्यांपासून तिच्यावर लैंगिक अत्याचार सुरू होते. डोंबिवलीत वेगवेगळ्या ठिकाणी नेऊन सर्वांनी बलात्कार केल्याचं मुलीने सांगितलं. या प्रकरणी पोलिसांचा कसून तपास सुरू असून, अजून काही संशयित आरोपींची नावं समोर येण्याची शक्यता वर्तवली जात आहे.
राज्याचे विरोधी पक्षनेते देवेंद्र फडणवीस यांनी सदर घटनेबाबत ट्विटरद्वारे तीव्र निषेध केला आहे. महिला अत्याचाराची सातत्याने वाढणारी ही प्रकरणे चीड आणणारी आहेत डोंबिवलीमध्ये अल्पवयीन मुलीबरोबर घडलेली हि घटना अतिशय भयंकर आणि संतापजनक आहे. डोंबिवलीच्या भोपरमध्ये अल्पवयीन मुलीवर ३० जणांनी वेळोवेळी सामूहिक बलात्कार केल्याची घटना ऐकून मन सुन्न झालं..’
