बॉलिवूडचा किंग खान शाहरुखची पत्नी गौरी खान ही इंटेरिअर डिझायनर आहे. गौरी लवकरच ड्रीम होम्स नावाचा रिअॅलिटी शो गौरी खानसोबत होस्ट करणार आहे. या शोचा ट्रेलर शाहरुखने त्याच्या इंस्टाग्रामवर शेअर केला आहे. हा शो १६ सप्टेंबर २०२२ पासून मिर्ची प्लस अॅप आणि यूट्यूब चॅनलवर प्रदर्शित होईल. व्हिडिओ शेअर करताना किंग खानने कॅप्शनमध्ये लिहिले की,’तुला #DreamHomesWithGauriKhan होस्ट करताना पाहून खूप आनंद झाला.
या ट्रेलर व्हिडिओमध्ये गौरी खान कतरिना कैफ, फराह खान, मलायका अरोरा, कबीर खान आणि मनीष मल्होत्रा यांच्या घराची रचना करताना दिसत आहे. प्रोमोमध्ये गौरी म्हणते, इंटेरिअर डिझायनिंग ही नोकरी नाही तर ती जीवनशैली आहे. गौरी खान ही बॉलिवूड स्टार्सची आवडती इंटीरियर डिझायनर आहे. जेव्हा जेव्हा कोणाला आपले घर प्रेक्षणीय पद्धतीने बनवायचे असते तेव्हा त्यांची पहिली पसंती गौरी खान असते. गौरीला इंटिरिअर डिझायनिंगमध्ये जवळपास १५ वर्षे झाली आहेत.
बॉलीवूड मधील अनेक अभिनेता आणि अभिनेत्रींनी स्वत:चे घर घेतल्यावर, त्याच्या सुशोभीकरणासाठी प्रथम पसंती गौरी खानला दिली आहे. त्यामुळे गौरी खानला या व्यवसायात उतरून अनेक वर्षाचा अनुभव पाठीशी असल्याने, तिच्या सजावटीची दुर्मिळता लक्षात येते. त्याच प्रमाणे सोशल मिडीयावर या कार्यक्रमाची चर्चा तर जोरदार सुरु आहे. आणि पती शाहरुख खानचा असलेला भक्कम पाठिंबा त्यामुळे या कार्यक्रमाला चार चांद लागले आहेत. शाहरुख आणि गौरीचे चाहते आतुरतेने या कार्यक्रमाची वाट पहात आहेत.
