28.9 C
Ratnagiri
Sunday, February 5, 2023

पालशेतच्या समुद्रकिनाऱ्यावर सागरी साहसी खेळांची सुविधा उपलब्ध

नवीन वर्षाचे स्वागत आणि कोकण किनारपट्टी एक...

बागायतदारांचे जिल्हाधिकारी कार्यालयासमोर एकदिवशीय धरणे आंदोलन

कोरोनाचे संकट, त्यानंतर चक्रीवादळ अशा नैसर्गिक दुष्टचक्रामध्ये...

नववर्षाच्या स्वागतासाठी पोलीस यंत्रणा सक्रीय

सरत्या वर्षाला निरोप देण्यासाठी आणि नवीन वर्षाचे...
HomeKhedखेड येथे विदेशी दारू विकणाऱ्यावर पोलिसांची कारवाई

खेड येथे विदेशी दारू विकणाऱ्यावर पोलिसांची कारवाई

खेड तालुक्यातील माणी देऊळवाडी येथे विदेशी दारु विकणाऱ्यावर धाड टाकून पोलिसांनी आरोपीला ताब्यात घेतले.

रत्नागिरी जिल्ह्यामध्ये अनेक वेळा बेकायदेशीर रित्या दारू विक्रीचे प्रकार घडत आहेत. पोलिसांच्या सतर्कतेमुळे असे मनसुबे उधळण्यात यश आले आहे. शेजारील राज्यातून विदेशी प्रकारची स्वस्तामध्ये मिळणारी दारू आणून त्याची रत्नागिरीमध्ये त्याची चढ्या दराने विक्री केली जाते. परंतु अशी विक्री बेकायदेशीर रित्या असल्याने, पोलीस अशा गुन्हेगारांच्या कायम मागावर असतात. खेडमध्ये अशीच एक घटना घडल्याने, पोलिसांनी वेळीच धाड घातल्याने गुन्हेगाराला मुद्देमालासहीत ताब्यात घेण्यात आले आहे.

खेड तालुक्यातील माणी देऊळवाडी येथे विदेशी दारु विकणाऱ्यावर धाड टाकून पोलिसांनी आरोपीला ताब्यात घेतले. दिलीप धोंडू कदम असे या संशयित आरोपीचे नाव असून त्याच्याकडून ११ हजार रुपये किमतीचे विदेशी मद्य जप्त करण्यात आले आहे.

माणी देऊळवाडी येथे विदेशी दारू विकली जात असल्याची माहिती खेड पोलीस स्थानकाचे सहायक पोलीस निरीक्षक सुजित गडदे यांना मिळाली होती. या माहितीनुसार सुजित गडदे यांच्या नेतृत्वाखाली पोलिसांनी दिलीप कदम याच्या घरी धाड टाकली असता त्यांना ११ हजार रुपये किमतीचे विदेशी दारू मिळून आली

खेड पोलिसांनी ही दारू जप्त करून दारूची विक्री करणारा दिलीप कदम याला ताब्यात घेतले. गेल्या काही महिन्यात सुजित गड्दे आणि त्यांच्या सहकाऱ्यांनी खेड तालुक्यात अनेक अवैध दारू व्यवसाय करणाऱ्यावर कारवाई केली आहे. यामध्ये गावठी दारू, विदेशी दारू विक्रेत्यांचा समावेश आहे. पोलिसांनी तालुक्यात अवैध गांजा विकणाऱ्यांवरही कारवाई केली असून अनेकांना गजाआड केले आहे. पोलिसांच्या या कारवाईमुळे दारू आणि गांजा व्यवसाय करणाऱ्याचे चांगलेच धाबे दणाणले आहेत.

RELATED ARTICLES

Most Popular