22.4 C
Ratnagiri
Monday, January 30, 2023

पालशेतच्या समुद्रकिनाऱ्यावर सागरी साहसी खेळांची सुविधा उपलब्ध

नवीन वर्षाचे स्वागत आणि कोकण किनारपट्टी एक...

बागायतदारांचे जिल्हाधिकारी कार्यालयासमोर एकदिवशीय धरणे आंदोलन

कोरोनाचे संकट, त्यानंतर चक्रीवादळ अशा नैसर्गिक दुष्टचक्रामध्ये...

नववर्षाच्या स्वागतासाठी पोलीस यंत्रणा सक्रीय

सरत्या वर्षाला निरोप देण्यासाठी आणि नवीन वर्षाचे...
HomeRatnagiriअखेर दोन वर्षानंतर “त्या” संशयित आरोपीची निर्दोष मुक्तता

अखेर दोन वर्षानंतर “त्या” संशयित आरोपीची निर्दोष मुक्तता

ही घटना १० ऑगस्ट २०१९ ला सायंकाळच्या सुमारास घडली होती.

रत्नागिरी शहराजवळील दोन वर्षापूर्वी घडलेली खुनाच्या घटनेच निकाल अद्यापही लागला नव्हता. तो अखेर लागला आहे. खेडशी येथील मोडा जंगलात बकऱ्या चरवण्यासाठी गेलेल्या तरुणीच्या डोक्यात चिरा घालून निर्घुणपणे खून करण्यात आला होता. या प्रकरणातील आरोपीची आज दोन वर्षानंतर निर्दोष मुक्तता करण्यात आली आहे. गुरुवार दि. १७ला या खटल्याचा निकाल लागला. ही घटना १० ऑगस्ट २०१९ ला सायंकाळच्या सुमारास घडली होती.

सुरूवातीला अज्ञाताविरुद्ध ग्रामीण पोलिस ठाण्यात गुन्हा दाखल झाला होता. एक वर्षानंतर संशयित आरोपीला अटक करण्यास स्थानिक गुन्हे शाखेला यश आले होते. या खटल्यातील आरोपीची गुरुवारी दि. १७ न्यायालयाने सबळ पुराव्या अभावी निर्दोष मुक्तता केली. पोलीस संशयिताच्या मागावर असून, त्याचा कसोसीने शोध घेत होते. त्याचप्रमाणे, या हत्येच्या प्रकरणी विविध मार्गाने शोध घेऊन देखील हवे तसे सबळ पुरावे न मिळाल्याने अखेर कोर्टाने त्याची निर्दोष मुक्तता केली आहे.

निलेश उर्फ उक्कू प्रभाकर नागवेकर वय ३५, रा. भंडारवाडी, खेडशी, रत्नागिरी असे आरोपीचे नाव आहे. खेडशी गावातील तरुणी मैथिली गवाणकर ही मोडा येथील जंगलात बकऱ्या चरवण्यासाठी गेली असता तिच्या डोक्यात चिरा घालून तिला ठार केले होते. या प्रकरणी ग्रामीण पोलिस ठाण्यात तक्रार देण्यात आली होती. हे प्रकरण अनेक दिवस गाजत होते. मैथीलीच्या पालकांनी देखील या प्रकरणी कसून चौकशीची मागणी केली होती. परंतु, अखेर त्या संशयिताला रत्नागिरी कोर्टातून निर्दोष मुक्तता करण्यात आली आहे.

RELATED ARTICLES

Most Popular