21.6 C
Ratnagiri
Tuesday, February 7, 2023

पालशेतच्या समुद्रकिनाऱ्यावर सागरी साहसी खेळांची सुविधा उपलब्ध

नवीन वर्षाचे स्वागत आणि कोकण किनारपट्टी एक...

बागायतदारांचे जिल्हाधिकारी कार्यालयासमोर एकदिवशीय धरणे आंदोलन

कोरोनाचे संकट, त्यानंतर चक्रीवादळ अशा नैसर्गिक दुष्टचक्रामध्ये...

नववर्षाच्या स्वागतासाठी पोलीस यंत्रणा सक्रीय

सरत्या वर्षाला निरोप देण्यासाठी आणि नवीन वर्षाचे...
HomeRatnagiriजीवंत खवले मांजरासह एकाला अटक

जीवंत खवले मांजरासह एकाला अटक

एक व्यक्ती खवले मांजराला मोटारसायकलवरून घेवून जात असल्याची गोपनीय माहिती देवरूख पोलीसांना मिळाली.

संगमेश्वर तालुक्यातील देवळे मार्गावर देवालय याठिकाणी विक्रीच्या उद्देशाने खवले मांजर बाळगल्याप्रकरणी एकाला अटक करण्यात आली आहे. ही कारवाई देवरूख पोलीस आणि वनविभागाने संयुक्तरित्या केली.रविवारी रात्री १०.४५ वा. ही कारवाई करण्यात आली. त्याला सोमवारी देवरूख न्यायालयात हजर करण्यात आले असता दि. २९ एप्रिलपर्यंत पोलीस कोठडी सुनावण्यात आली आहे.

याबाबत देवरूख पोलीस ठाण्यातून मिळालेल्या माहितीनुसार, ललित सतिश सावंत वय-२५, मुळ रा. मेघी पवारवाडी, ता. संगमेश्वर, सध्या रा. पालघर असे अटक करण्यात आलेल्या तरूणाचे नाव आहे. तालुक्यातील देवळे फाटा ते देवळे गाव जाणाऱ्या रस्त्यावर देवालय याठिकाणी एक व्यक्ती खवले मांजराला मोटारसायकलवरून घेवून जात असल्याची गोपनीय माहिती देवरूख पोलीसांना मिळाली. देवरूख पोलीस ठाण्याचे निरीक्षक बाळकृष्ण जाधव यांनी आपले सहकारी हे. काँ. सचिन भुजबळराव, हे. काँ. संतोष सडकर, पो. काँ. ज्ञानेश्वर मांढरे, पो. काँ. रोहित यादव, पो. काँ. रीलेश कांबळे तसेच देवरूख वनविभागाचे वनरक्षक न्हानू गावडे आदिंसह देवळे रस्त्यावर जावून त्या व्यक्तीची चौकशी केली असता त्याच्याजवळ एका सिमेंटच्या रिकाम्या पोतळीत जीवंत खवले मांजर आढळून आले.

यानंतर त्याला खवले मांजरासहीत ताब्यात घेवून देवरूख पोलीस ठाण्यात आणण्यात आले. त्याची पोलीसांनी सखोल चौकशी केली असता तो तालुक्यातीलच मेघी पवारवाडीतील ललित सतिश सावंत असल्याचे सांगितले. त्याच्यावर वन्यजीव संरक्षण अधिनियम १९७२ चे कलम ३९, ४४, ४८, ४८ अ, ५१ अन्वये गुन्हा दाखल करून अटक करण्यात आली. तर खवले मांजराला वनविभागाच्या ताब्यात देण्यात आले. ललितला सोमवारी देवरूख न्यायालयात हजर केले असता चार दिवसांची पोलीस कोठडी सुनावण्यात आली आहे. तर खवले मांजराला वनविभागाने नैसर्गिक अधिवासात सोडून दिले.

RELATED ARTICLES

Most Popular