24.6 C
Ratnagiri
Sunday, December 3, 2023

कोकणात पंधरा टक्के हापूस कलमांना मोहोर

ऑक्टोबर महिन्याच्या पहिल्या आठवड्यात ८५ टक्के झाडांना...

…त्या अधिकारी, सुरक्षा रक्षकांना निलंबित करा, शाश्वत मच्छीमार हक्क संघाची मागणी

दापोली तालुक्यात दाभोळच्या सक्षम् परवाना अधिकारी दीप्ती...

चिपळुणातील कोसळलेले गर्डर हटवण्याच्या हालचाली सुरू

मुंबई-गोवा राष्ट्रीय महामार्गावरील बहादूरशेखनाका येथील कोसळलेल्या उड्डाणपुल...
HomeRajapurरिफायनरीबाबत विरोधक गैरसमज पसरवताहेत प्रकल्पग्रस्त जनतेशी चर्चा करन्यास तयार : ना.सामंत

रिफायनरीबाबत विरोधक गैरसमज पसरवताहेत प्रकल्पग्रस्त जनतेशी चर्चा करन्यास तयार : ना.सामंत

राजापूर तालुक्यातील बारसू औद्योगिक वसाहतीतील नियोजित रिफायनरी प्रकल्पाबाबत विरोधक गैरसमज पसरवत आहेत, असा आरोप राज्याचे उद्योगमंत्री ना. उदय सामंत यांनी केला आहे. त्याचबरोबर तेथील जनतेचे म्हणणे ऐकून घेण्यासाठी आणि गैरसमज दूर करण्यासाठी जिल्हाधिकाऱ्यांना तेथे पाठवले जाईल. आवश्यकता वाटल्यास मी स्वत: जाऊन तेथील नागरिकांशी चर्चा करेन, असेदेखील ना. सामंत यांनी स्पष्टपणे सांगितले आहे.पालकमंत्री ना. उदय सामंत यांनी शुक्रवारी जिल्हाधिकारी कार्यालयात पत्रकार परिषद घेतली. त्यांच्यासोबत जिल्हाधिकारी देवेंद्र सिंह आणि डिएसपी धनंजय कुलकर्णी हेसुद्धा उपस्थित होते. यावेळी ना. सामंत म्हणाले की, या भागातील मातीचे नमूने घेतले जात आहेत. १०० ठिकाणी नमुने घ्यायचे आहेत. सध्या २० ठिकाणचे नमुने घेतले गेले आहेत. ३६ ठिकाणी संमत्ती मिळाली आहे. ४२ ठिकाणांची संमती मिळायची आहे. ज्या ठिकाणी रिफायनरी प्रकल्प उभा राहत आहे ती जागा योग्य आहे की नाही याचा निर्णय माती परीक्षण अहवालातून मिळेल. त्यादृष्टीने हे नमुने संकलीत केले जात आहेत. रिफायनरी येथे उभारायची की नाही याचा निर्णय माती परीक्षणाच्या अहवालानंतरच होऊ शकेल. विरोध करणाऱ्यांनी हे लक्षात घेतले पाहिजे. अहवाल योग्य असेल तर प्रकल्प होईल. जमिनीबाबतचा मोबदला देण्याचा निर्णय त्यांनंतर घेतला जाईल.

दरम्यान, जिल्ह्यामध्ये लवकरच कोको कोला कंपनी सुरू होईल असे देखील ना. उदय सामंत यांनी पत्रकार परिषदेत सांगितले. एमआयडीसीमधील शेतकऱ्यांच्या जमिनींबाबत ज्या जमिनी पूर्वी संपादित झाल्या आहेत, खरेदीखत झाली आहेत त्यांच्या डी नोटिफिकेशनची अंमलबजावणी केली जाईल. वाटद येथे येणाऱ्या प्रकल्पाबाबतही अशीच भूमिका असेल. मँगो पार्क प्रकल्प निवेंडीमध्ये, हर्णेमध्ये मरिन पार्क प्रकल्प उभारणे प्रस्तावित आहे. याबाबत उच्चाधिकार समिती लवकरच निर्णय घेईल, असे त्यांनी सांगितले. जमीन संपादित करताना जनतेला वेठीस धरले जाणार नाही असा विश्वासदेखील त्यांनी व्यक्त केला.रत्नागिरी शहरालगत बाळासाहेब सावंतांचे स्मारक पूर्ण झाले असून येथे पोलीस विभागाला आपत्कालीन यंत्रणेकरिता आवश्यक ते प्रशिक्षण शिबीर आयोजित करण्यात येणार आहे, असेही ना. सामंत म्हणाले. पोलीस अधिकारी, पोलीस कर्मचारी वसाहत उभारण्या करिता १६० कोटी रूपयांचा प्रस्ताव आहे. या प्रकल्पाचे भूमिपूजन राज्याचे गृहमंत्री ना. देवेंद्र फडणवीस येत्या काही दिवसात रत्नागिरीत येऊन करतील, अशी माहिती देखील त्यांनी दिली.

RELATED ARTICLES

Most Popular