बॉक्स ऑफिसवर ‘पुष्पा’च्या यशानंतर आता चित्रपटाचे निर्माते त्याच्या दुसऱ्या भागाचे शूटिंग सुरू करणार आहेत. ‘पुष्पा २’ साठी निर्मात्यांनी साऊथचा सुपरस्टार अल्लू अर्जुनला मोठ्या रकमेची ऑफर दिली आहे. ‘पुष्पा २’ साठी अल्लूला १२५ कोटी मानधन दिले जात आहे. एवढी फी घेतल्यानंतर अल्लू भारतातील तिसरा सर्वाधिक मानधन घेणारा अभिनेता बनला आहे. यासह अल्लूने सलमान खानच्या फीची बरोबरी केली आहे. रिपोर्ट्सनुसार, अल्लू अर्जुनच्या ‘पुष्पा २’ चित्रपटाचे बजेट ४५० कोटी रुपये असल्याचे सांगितले जात आहे, ज्यामध्ये अल्लूचा मोठा वाटा आहे.
सलमान खान त्याच्या आगामी ‘किसी का भाई किसी की जान’ या चित्रपटासाठी साजिद नाडियाडवालाकडून १२५ कोटी घेत असल्याचे बोलले जात आहे. त्याचबरोबर चित्रपट निर्मात्यांनीही एवढी फी देण्याचे मान्य केले आहे. अशा परिस्थितीत अल्लूने फीच्या बाबतीत सलमानची बरोबरी केली आहे.
पुष्पाचा पहिला भाग मूळतः तेलुगुमध्ये शूट करण्यात आला होता आणि नंतर तो हिंदीसह इतर भाषांमध्ये डब करण्यात आला होता. ‘पुष्पा: द राइज’चे वर्ल्डवाइड कलेक्शन ३५० कोटींहून अधिक होते. या चित्रपटाच्या यशानंतर निर्मात्यांनी त्याच्या सिक्वेलची तयारी केली आहे. या चित्रपटाचे शूटिंग सप्टेंबरच्या तिसऱ्या आठवड्यापासून सुरू होणार आहे. आम्ही तुम्हाला सांगतो की ‘पुष्पा द रुल’ पुढील वर्षी डिसेंबरपर्यंत बॉक्स ऑफिसवर रिलीज होण्याची शक्यता आहे. त्यामुळे या चित्रपटात बजेटप्रमाणे काय काय विशेषता आहे हे पाहण्यासाठी चाहते देखील उत्सुक झाले आहेत.
