31.3 C
Ratnagiri
Friday, May 24, 2024

विनाकारण त्रास द्याल तर गप्प बसणार नाही आ. अनिल परबांचा इशारा

विनाकारण त्रास द्याल, खोटे गुन्हे दाखल कराल...

रत्नागिरीजवळ अपघात रिक्षाचालकाचा मृत्यू

रिक्षाचे ब्रेक निकामी झाल्याने रिक्षा पलटी होऊन...

दापोलीतील महिलेच्या मृत्यूचे गूढ वाढले, नातेवाईकांना घातपाताचा दाट संशय

तालुक्यातील वणंद येथील ५० वर्षीय महिलेच्या मृत्यूचे...
HomeRatnagiriकेवळ राज साहेबांनी सांगितलं म्हणून थांबलो नाहीतर तो तडीपार….; रामदासभाई कडाडले

केवळ राज साहेबांनी सांगितलं म्हणून थांबलो नाहीतर तो तडीपार….; रामदासभाई कडाडले

रामदास कदम यांनी वैभव खेडेकर यांच्यावरील आपली नाराजी बोलून दाखवली.

मनसे अध्यक्ष राज ठाकरे यांनी महायुतीला जाहीर पाठिंबा दिल्यानंतर कोकणातील त्यांचे शिलेदार वैभव खेडेकर नाराज झाले होते. आता या सगळ्या प्रकरणावर शिवसेना नेते रामदास कदम यांनी पहिली प्रतिक्रिया दिली आहे. मनसेचे माजी नगराध्यक्ष वैभव खेडेकर यांच्यावर चार ते पाच गुन्हे दाखल झाले आहेत, आणखी पाच गुन्हे दाखल होऊ शकतात, या सगळ्या फाईल माझ्याकडे आहेत, या फाईलच पत्रकार परिषदेत दाखवत केवळ आणि केवळ मला राज साहेबांनी फोन केला, की रामदासभाई थांबा, वैभव आपलाच आहे, म्हणून मी थांबलो आहे अशा शब्दात रामदास कदम यांनी वैभव खेडेकर यांच्यावरील आपली नाराजी बोलून दाखवली.

वैभव खेडेकर यांनी २०१९ साली माझ्या मुलाच्या विरोधात राष्ट्रवादीकडून उघडपणे प्रचार केला. मनसे आणि राष्ट्रवादी कुठेही युती नसताना गेल्या पाच वर्षात माझ्या विरोधात पत्रकार परिषदा घेणं, अनिल परब यांना सोबत घेतात. राज ठाकरे आणि अनिल परब यांची तर युती नाही, पण तरीही वैभव खेडेकर, अनिल परब, संजय कदम हे अनेक वेळा एकत्र असतात. याचा उद्देश फक्त राजकीय दृष्ट्या रामदास कदम आणि त्यांचा मुलगा योगेश कदम यांना संपवायचा आहे. माझ्या मुळावर जर का उठला असेल, तर मी त्याला सोडेन का? असा सवाल रामदास कदम यांनी केला.

मनसे म्हणून आपण त्याच्या विरोधात नाही, इतकेच नव्हे तर राज ठाकरेंकडे वैभव खेडेकरला तेव्हा घेऊन जाणारा हा रामदास कदमच आहे, मीच त्याला जिल्हाप्रमुख केला होता. आपण मनसेच्या कार्यकर्त्यांच्या विरोधात अजिबात नाही, वैभव खेडेकर हा हायकोर्टातून आलेल्या ऑर्डरनुसार अपात्र झाला आहे. याच वैभव खेडेकरने सुरत गुवाहाटीत बॅनर लावले, माझ्या विरोधात काही कमेंट्स लिहायच्या. पण मी केवळ राज साहेबांनी सांगितलं म्हणून थांबलो आहे, नाहीतर तो तडीपार होईल, असा गंभीर आरोप रामदास कदम यांनी केला आहे.

आता महायुतीला पाठिंबा दिल्यानंतरही वैभव खेडेकर सुनील तटकरे यांचे काम करतात का माहिती नाही. वैभव खेडेकर फक्त नावालाच मनसेमध्ये आहे कारण यांचा बोलविता धनी वेगळा आहे. उद्धव ठाकरे, अनिल परब, संजय कदम यांची ही गँग आहे. असाही आरोप रामदास कदम यांनी केला आहे. महायुतीमध्ये आम च्यावरती कोणताही अन्याय झाला नसून आम्हाला १३ सीटिंग खासदार असताना १४ ते १५ सीट मिळत. आहेत. कोकणात लोकसभेला जी धनुष्यबाणाची उणीव भासत आहे ती आम्ही विधानसभेला भरून काढू असा विश्वास रामदास कदम यांनी माध्यम ांजवळ बोलताना व्यक्त केला. आज आम्ही दुधाची तहान ताकावर भागवत आहोत, ही गोष्ट खरी आहे. पण या सगळ्यांचे उट्टे आम्ही विधानसभेला भरून काढू, असेही रामदास कदम यांनी म्हटलं आहे.

नरेंद्र मोदींचे हात बळकट करण्यासाठी आम्हा सर्वांचे प्रयत्न आहेत. आम्हाला नासयण राणे नाही, . तर नरेंद्र मोदी महत्त्वाचे आहेत. त्यामुळे महायुतीच्या उमेदवाराचे काम उदय सामंत हे करतील व महायुतीचा विजय होईल, असा विश्वास रामदास कदम यांनी व्यक्त केला. रत्नागिरी सिंधुदुर्गची जागा आम्हाला मिळाली नाही, पण त्याबद्दल आम्हाला दुःख नाही. जो उमेदवार महायुतीने दिलेला आहे, पक्षाने दिलेला आहे, त्यांना निवडून आणायचं आहे. आमच्या डोळ्यासमोर फक्त पंतप्रधान नरेंद्र मोदी यांना तिसऱ्यांदा पंतप्रधान करायचं आहे, असेही रामदास कदम यांनी म्हटलं आहे.

RELATED ARTICLES

Most Popular