27.2 C
Ratnagiri
Thursday, June 13, 2024

पाकिस्तान सामना न खेळताच T20 वर्ल्ड कपमधून बाहेर पडणार….

आधीच संकटात सापडलेल्या पाकिस्तान क्रिकेट संघावर संकट...

पंढरपूरच्या आषाढी यात्रेसाठी एसटीच्या ५ हजार जादा बसेस सोडणार

पंढरपूरच्या आषाढी यात्रेसाठी वारकरी दरवर्षी 'विठू नामाचा...

शैक्षणिक साहित्याच्या दरात पंधरा टक्क्यांनी वाढ

शहरी व ग्रामीण भागातील शाळा सुरू होण्यासाठी...
HomeChiplunसावर्डेमध्ये एकाच रात्री चोरट्यांनी ४ दुकाने फोडली

सावर्डेमध्ये एकाच रात्री चोरट्यांनी ४ दुकाने फोडली

स्वप्नील विजय खेडेकर यांचे ओंकार ज्वेलर्स दुकान असून गेल्या रात्री अज्ञात चोरट्यांनी दुकानाचे प्रवेश करून आतील १ ग्रॅम बेंटेक्सचे २९ हजार २० रुपयांचे दागिने लंपास केले.

तालुक्यातील सावर्डे-डेरवण मार्गावरील अज्ञात चोरट्यांनी एकाच रात्री चार दुकाने फोडल्याची घटना समोर आली आहे. या चोरीत दोन दुकानांतून ३६ हजार रुपयांचा ऐवज चोरट्यांनी लंपास केला आहे. चोरटे सीसीटीव्ही कॅमेऱ्यात कैद झाले आहेत. यात तिघेजण असल्याचे दिसत आहेत. विशेष म्हणजे. या चोरट्यांनी आपला चेहरा लपविण्यासाठी रुमालदेखील तोंडाला बांधलेला नाही. तर उलट राजरोसपणे बिनधास्त चोरी करीत असल्याचे सीसीटीव्ही कॅमेऱ्यावरून दिसत आहे. या घटनेची सावर्डे पोलिस ठाण्यात नोंद झाली असून अज्ञात चोरट्यांविरोधात गुन्हा दाखल झाला आहे.

सावर्डे – डेरवण मार्गावर स्वप्नील विजय खेडेकर यांचे ओंकार ज्वेलर्स दुकान असून गेल्या रात्री अज्ञात चोरट्यांनी दुकानाचे शटर उचकटून आतमध्ये प्रवेश करून आतील १ ग्रॅम बेंटेक्सचे २९ हजार २० रुपयांचे दागिने लंपास केले. तसेच रुपेश किराणा स्टोअर्समधील ७ हजार रुपयांची चिल्लर या चोरट्यांनी लंपास केली आहे. एकंदरीत ३६ हजार रुपयांचा मुद्देमाल चोरला आहे. तसेच केदारनाथ हार्डवेअर व सुपर मार्केट फोडून मधील ऐवज लंपास करण्याचा प्रयत्न केला. मात्र, या दुकानात चोरट्यांच्या हाती काही लागले नाही. गुरुवारी सकाळी हा प्रकार उघडकीस येताच सावर्डे पोलिसांना माहिती देण्यात आली. यानंतर पोलिसांनी घटनास्थळी धाव घेत पंचनामा केला. अधिक तपास सावर्डे पोलीस करीत आहेत.

RELATED ARTICLES

Most Popular