29.8 C
Ratnagiri
Friday, March 29, 2024

कातकरी कुटुंबीयांसाठी ‘शासन आपल्या दारी’

चिपळूण तालुक्यात वर्षानुवर्षे वास्तव्यास असलेल्या; परंतु अधिकृत...

चिपळुणातील वृद्ध महिलेच्या खुनाला वाचा फुटली

वालोपे येथे झालेल्या वृद्ध महिलेच्या खुनाला अखेर...

किरण सामंतांनी घेतले ना. नारायण राणेंचे आशीर्वाद…

रत्नागिरी सिंधुदुर्ग लोकसभा मतदारसंघातून भाजपचे जेष्ठ नेते...
HomeChiplunचिपळूण उक्ताड पुलावर अपघात, एक गंभीर जखमी

चिपळूण उक्ताड पुलावर अपघात, एक गंभीर जखमी

दोन्ही वाहने वेगात असल्याने, धडकेचा आवाजच एवढा मोठा होता कि, आजूबाजूच्या परिसरातील धावतच अपघात स्थळी आलेत.

जिल्ह्यात महामार्गावर सुरु असलेली बांधकामे, लहान सहान डागडुजी यामुळे अपघाताच्या घटना घडतच आहेत. रोज एकतर घाट मार्गावर तर काही ठिकाणी अरुंद रस्ते, पुलाची कामे यामुळे अपघाताच्या घटना वारंवार घडताना दिसत आहेत. आणि काही ठिकाणी जीवितहानी देखील घडत आहे.

चिपळूण शहरातील उक्ताड पुलावर बुधवारी रात्री मोटार व दुचाकीची समोरासमोर धडक झाली. या अपघातात दुचाकीस्वार गंभीर जखमी झाला आहे. मोटारीचा चक्काचूर झाला आहे. मोटारीचेही मोठे नुकसान झाले आहे. रात्री साडेदहाच्या सुमारास हा अपघात घडला. जखमीला तत्काळ खाजगी रूग्णालयात दाखल करण्यात आले. पुढील उपचारासाठी त्याला रत्नागिरी येथे पाठवण्यात आले.

गोवळकोट येथील अमजद घारे वय ४५ हे आपल्या दुचाकीवरून रात्री गोवळकोटच्या दिशेने निघाले होते. उक्ताड येथील पुलावर ते आले असता समोरून मोटारीला त्यांच्या दुचाकीची धडक बसली. ही धडक इतकी जबरदस्त होती की अमजद घारे हे कित्येक फूट लांब फेकले गेले. त्यांच्या दुचाकीचा अक्षरशः चुराडा झाला तर मोटारीच्या दर्शनी भागाचे देखील चुराडा होऊन नुकसान झाले.

सफन परकार रा. गोवळकोट रोड हे मोटार चालवत होते. अपघाताचा आवाज ऐकताच परिसरातील नागरिक मदतीसाठी धावून आले. दोन्ही वाहने वेगात असल्याने, धडकेचा आवाजच एवढा मोठा होता कि, आजूबाजूच्या परिसरातील धावतच अपघात स्थळी आलेत. रक्ताच्या थारोळ्यात पडलेल्या अमजद घारे यांना तात्काळ उपचारासाठी रूग्णालयात दाखल करण्यात आले. त्यांची रक्ताने माखलेली अवस्था बघताच अपघाताची भीषणता लक्षात येते. त्यांना तत्काळ रुग्णालयात दाखल करून उपचार सुरु करण्यात आले आहेत.

RELATED ARTICLES

Most Popular