30.4 C
Ratnagiri
Sunday, February 5, 2023

पालशेतच्या समुद्रकिनाऱ्यावर सागरी साहसी खेळांची सुविधा उपलब्ध

नवीन वर्षाचे स्वागत आणि कोकण किनारपट्टी एक...

बागायतदारांचे जिल्हाधिकारी कार्यालयासमोर एकदिवशीय धरणे आंदोलन

कोरोनाचे संकट, त्यानंतर चक्रीवादळ अशा नैसर्गिक दुष्टचक्रामध्ये...

नववर्षाच्या स्वागतासाठी पोलीस यंत्रणा सक्रीय

सरत्या वर्षाला निरोप देण्यासाठी आणि नवीन वर्षाचे...
HomeSindhudurgमाझ्या विचाराचा सरपंच निवडून आला तरच, मिळेल गावच्या विकासाला निधी

माझ्या विचाराचा सरपंच निवडून आला तरच, मिळेल गावच्या विकासाला निधी

नितेश राणेंच्या या विधानावरुन आता त्यांच्यावर जोरदार टीका होऊ लागली आहे. तर शिंदे गट आणि भाजपा मात्र नितेश राणेंची बाजू सावरण्याचा प्रयत्न करत आहे.

भाजपा आमदार नितेश राणे यांचा एक व्हिडीओ सध्या व्हायरल होत आहे. कणकवली नांदगाव इथल्या ग्रामपंचायत निवडणुकीच्या प्रचारादरम्यान आमदार नितेश राणे बोलत होते. यावेळी बोलताना ते म्हणाले, “माझ्या विचाराचा सरपंच निवडून आला नाही तर गावच्या विकासाला निधी देणार नाही. तुम्ही याला धमकी समजा नाहीतर अन्य काही. या व्हिडिओमुळे सध्या नवा वाद उदभवण्याची शक्यता वर्तवली जात आहे. त्यांनी ग्रामपंचायत निवडणुकी दरम्यान मतदारांना दमदाटी केल्याचं समोर आलं आहे. त्यांच्या या वक्तव्यामुळे नांदगाव ग्रामस्थांमध्ये दहशत निर्माण झाली आहे.

दुपारी तीन वाजता नांदगाव तिठा येथे प्रचार सभेत भाषण करताना राणे यांनी, ‘मुख्यमंत्री, उपमुख्यमंत्री जिल्ह्याचे पालकमंत्री, जिल्हाधिकारी, माझ्या अधिकाराखाली आहेत. आम्हाला मतदान केले नाही तर सरकारचा एकही रुपयाचा निधी नांदगाव गावासाठी दिला जाणार नाही,’ असे म्हटले. त्याची व्हीडीओ क्लिपही व्हायरल झाली आहे.

राणे पुढे म्हणाले, “निधी वाटप आता माझ्या हातात आहे हे लक्षात असुद्या. मुख्यमंत्री, उपमुख्यमंत्री, कोणताही मंत्री माझ्याशिवाय पुढे विकासकामं करूच शकणार नाही. माझ्या विचाराचा सरपंच निवडून आला नाही तर मी एक रुपयाचा ही निधी देणार नाही.” नितेश राणेंच्या या विधानावरुन आता त्यांच्यावर जोरदार टीका होऊ लागली आहे. तर शिंदे गट आणि भाजपा मात्र नितेश राणेंची बाजू सावरण्याचा प्रयत्न करत आहे.

या विरोधात ‘‘आम्हाला मतदान केले नाही तर सरकारचा एकही रुपयाचा निधी नांदगाव गावासाठी दिला जाणार नाही, असा इशारा देणाऱ्या आमदार नीतेश राणे यांच्यावर आचारसंहिता भंगाचा गुन्हा दाखल करावा,’’ अशी मागणी नांदगाव शिवसेना शाखाप्रमुख राजा म्‍हसकर यांनी कणकवली पोलिस निरीक्षक आणि निवडणूक निर्णय अधिकारी यांच्याकडे निवेदनाद्वारे केली आहे. गुन्हा दाखल न झाल्‍यास आंदोलन छेडण्याचा इशाराही त्‍यांनी दिला. आचारसंहिता असताना अशा प्रकारे धमकी देऊन आमदार राणे यांनी आचारसंहितेचा भंग केला आहे.

RELATED ARTICLES

Most Popular