26.6 C
Ratnagiri
Wednesday, July 16, 2025

कशेडीत लोखंडी जाळ्यांचे ‘सुरक्षा कवच’

मुंबई-गोवा महामार्गावरील प्रवाशांसाठी कायमची डोकेदुखी ठरलेल्या कशेडी...

धनुष्यबाण कुणाचा? निवडणुकांपूर्वी उध्दव ठाकरेंना मिळणार कौल?

१० दिवसांपूर्वी शिवसेना उध्दव बाळासाहेब ठाकरे पक्षाचे...

सरपंचपदाचे आरक्षण जाहीर होताच काहीजण आनंदित, अनेकांचा हीरमोड

जिल्हयात सोमवारी सरपंचपदाच्या आरक्षणाची लॉटरी निघाली. त्यानंतर...
HomeRatnagiriलांजातील “तो” मुख्याध्यापक फरार, ग्रामस्थ आक्रमक

लांजातील “तो” मुख्याध्यापक फरार, ग्रामस्थ आक्रमक

मुख्याध्यापक बराच कालावधी मुलीवर लैंगिक अत्याचार करत होते पण आपल्याला शाळेत नापास करतील या भीती पोटी त्या मुलीने इतर कोणाला वाच्यता केली नाही.

लांजा तालुक्यातील गवाणे येथील जिल्हा परिषदेची केंद्र शाळा नं. १ मधील मुख्याध्यापक सोनावणे याने ६ वीत शिकणार्‍या मुलीवर लैंगिक अत्याचार केल्याची घटना २३ एप्रिल या दिवशी उघड झाली. येथील पोलीस ठाण्यात मुख्याध्यापकाच्या विरोधात ‘पोक्सो’ कायद्याच्या अंतर्गत गुन्हा नोंद करण्यात आला आहे.

पीडित मुलीला झालेल्या अत्याचाराविषयी मोठा मानसिक धक्का बसला असल्याने तिला सातत्याने चक्कर येत होती. मुख्याध्यापक बराच कालावधी मुलीवर लैंगिक अत्याचार करत होते पण आपल्याला शाळेत नापास करतील या भीती पोटी त्या मुलीने इतर कोणाला वाच्यता केली नाही. पण झालेल्या प्रकाराने घाबरून त्याचा विपरीत परिणाम तिच्या ताब्ब्येतीवर जाणवू लागला. आणि सतत शांत आणि चक्कर येऊन पडू लागली. या विषयी पालकांनी तिला विश्‍वासात घेऊन विचारल्यानंतर मुलीने घडलेला प्रकार पालकांना सांगितला.

अशा प्रकारे अत्याचार झाल्याचा प्रकार उघड झाल्यानंतर पालकांच्या पायाखालची जमीनच सरकली. परंतु, यावेळी देखील धैर्य दाखवून त्यांनी मुलीला आधार देऊन, ग्रामस्थांच्या मदतीने तातडीने मुख्याध्यापकाच्या विरोधात पोलिसांत तक्रार दाखल केली. त्यानंतर पोलिसांनी भा.दं.वि. कलम ३५४, तसेच बाल लैंगिक अत्याचार (पॉक्सो) अंतर्गत गुन्हा नोंद केला.

शिक्षक आणि विद्यार्थी या पवित्र नात्याला काळिमा फासणारी गोष्ट घडल्याने सर्वतर संताप व्यक्त होत आहे. सदरचा मुख्याध्यापक पोलिसांच्या भीतीने कुठेतरी फरार झाला आहे. या अशा घटनांमुळे संपूर्ण शिक्षकी पेशाला डाग लागतो. याविषयी गवाणे गावातील ग्रामस्थांनी शिक्षण विभागाकडेही तक्रार केली असून आरोपीला लवकरात लवकर शोधून त्याच्यावर कठोर कारवाई करण्यात यावी,  अशी मागणी करण्यात आली आहे. तसेच मुख्याध्यापकावर कठोर कारवाई न झाल्यास गवाणे येथील जनता रस्त्यावर उतरून आंदोलन करेल’, अशी चेतावणी येथील प्रतिष्ठित नागरिक श्री. सुरेश करंबेळे यांनी दिली आहे.

RELATED ARTICLES

Most Popular