27.5 C
Ratnagiri
Sunday, August 31, 2025

शिंदेंच्या मंत्र्यांवर लक्ष ठेवण्यासाठी अधिकारी…

राज्यात महायुती असली तरीही भाजपकडून कुरघोडींचे राजकारण...

पेढांबेतील पूल दुरुस्तीच्या प्रतीक्षेत, अवजड वाहतूक बंद

दुरुस्तीअभावी धोकादायक झालेला पेढांबे येथील जुन्या पुलावरून...

जनआरोग्य योजनेतील कार्ड बनवा : एम. देवेंदर सिंह

एकत्रित आयुष्मान भारत प्रधानमंत्री जनआरोग्य योजना, महात्मा...
HomeSindhudurgकामावरून परतत असताना, रेल्वेच्या धडकेने तरुण जागीच गतप्राण

कामावरून परतत असताना, रेल्वेच्या धडकेने तरुण जागीच गतप्राण

रेल्वे ट्रॅकवर रात्री पाहणी करत असताना ट्रॅकमेन विनोद चव्हाण यांना सोनुर्ली रेल्वे ट्रॅकवर अनोळखी व्यक्तीचा मृतदेह आढळून आला.

हल्ली रेल्वेच्या धडकेमुळे अनेक जनावरे त्याप्रमाणेच मनुष्य देखील दगावल्याच्या घटना घडत आहेत. अनेक वेळा गाड्या येण्या जाण्याच्या वेळेला गुरे वाटेवर बसलेली असतात. त्याचप्रमाणे काही वेळेला लोक सुद्धा ट्रेन येताना दिसत असून सुद्धा क्रॉस करण्याची घाई गडबड करतात आणि अशा प्रकारचे अपघात घडून जीवाला मुकतात.

सोनुर्ली येथील तरुणाचा रेल्वेच्या धडकेत जागीच मृत्यू झाला. सिद्धेश सगुण गावकर वय २८ असे मृताचे नाव आहे. ही घटना शनिवारी (ता.३) रात्री १०.३० वाजण्याच्या सुमारास सोनुर्ली-साखरमैना परिसरात घडली. याबाबत पोलिस ठाण्यात आकस्मिक मृत्यूची नोंद केली असून, उत्तरीय तपासणीनंतर पोलिसांनी आज मृतदेह नातेवाइकांच्या ताब्यात दिला.

याबाबत अधिक माहिती अशी की रेल्वे ट्रॅकवर रात्री पाहणी करत असताना ट्रॅकमेन विनोद चव्हाण यांना सोनुर्ली रेल्वे ट्रॅकवर अनोळखी व्यक्तीचा मृतदेह आढळून आला. त्यांनी याबतची माहिती पोलिसांना दिली. त्यानुसार पोलिस घटनास्थळी दाखल झाले. पोलिस उपनिरीक्षक सूरज पाटील, पोलिस उपनिरीक्षक बाबू तेली, महेश जाधव, संभाजी देसाई आदींनी घटनास्थळी जात पाहणी करून पंचनामा केला. यावेळी सिध्देशला रेल्वेची धडक बसली असावी, त्यात तो जागीच गतप्राण झाला असावा, असा अंदाज पोलिसांनी वर्तविला.

पोलिसांना तो मृतदेह येथील उपजिल्हा रुग्णालयाच्या शवागृहात नेला. याबाबतची माहिती ठाणे अंमलदार पोलिस उपनिरीक्षक तेली यांनी दिली. खबर बेनीत फर्नांडिस यांनी पोलिस ठाण्यात दिली. त्यावरून आकस्मिक मृत्यूची नोंद केली आहे. मृत सिद्धेश हा आपले काम आटोपून घरी जात होता. तो वेल्डिंगचे काम करत होता आणि शेती करत होता. त्याच्या पश्चात आई, वडील, एक भाऊ असा परिवार आहे.

RELATED ARTICLES

Most Popular