31.4 C
Ratnagiri
Saturday, February 22, 2025

आजपासून आंगणेवाडीच्या यात्रोत्सवाला प्रारंभ

दक्षिण कोकणची काशी म्हणून ओळखल्या जाणाऱ्या आंगणेवाडी...

राजापुरात परवानगी नसतानाही उरूस साजरा, गुन्हा दाखल

शहरात मच्छीमार्केटलगत असलेल्या वास्तुत उरूस साजरा करण्यासाठी...

कांदळवन कार्यशाळेच्या खर्चाची चौकशी करा – पालकमंत्री उदय सामंत

कांदळवन व वनविभागाकडून नुकतेच एका आलिशान हॉटेलमध्ये...
HomeRatnagiriनाटेतील उपक्रम मच्छीमारांना शितपेट्यांचे मोफत वाटप

नाटेतील उपक्रम मच्छीमारांना शितपेट्यांचे मोफत वाटप

नाणीज (ता. रत्नागिरी) येथील जगद्गुरू नरेंद्राचार्य महाराज सांप्रदायातर्फे नाटे (ता. राजापूर) येथे पादुका दर्शन सोहळा उत्साहात झाला. दिवसभरात पादुकांची मिरवणूक, संस्थानाच्या सामाजिक उपक्रमांतर्गत शेतकरी, महिला, मच्छीमारांना गरजेच्या वस्तूंचे वाटप करण्यात आले. नाटे येथील नाटेश्वर विद्यामंदिर व कनिष्ठ महाविद्यालयाच्या प्रांगणात या पादुका दर्शनासाठी ठेवण्यात आल्या होत्या. नाटे येथे सकाळी १० वाजता अनंत श्री विभूषित जगद्गुरू नरेंद्राचार्यजी महाराज यांच्या पादुका सजवलेल्या पालखीतून आणण्यात आल्या. त्यानंतर गावातून काढण्यात आलेल्या मिरवणुकीत कलशधारी महिला, ध्वजधारी स्त्री-पुरुष, अग्रभागी ढोल-ताशांचे पथक होते.

अनेक धार्मिक, ऐतिहसिक, पौराणिक विषयावरील सजीव चित्ररथ मिरवणुकीचे वेगळेपण ठरले. संतांची मांदियाळी, संत गोरा कुंभार देखावा, झाशीची राणी, संतशिरोमणी गजानन महाराज, बेटी बचाव, भजन, धनगरी गजा नृत्य असे अनेक विषयावरील देखावे होते. मिरवणूक पाहण्यासाठी गर्दी झाली होती. या वेळी संस्थानच्या सामाजिक उपक्रमातून गोरगरीब शेतकरी, महिला व मच्छीमार महिलांना मोफत वस्तूंचे वाटप करण्यात आले. या कार्यक्रमात ९ गरजू महिलांना घरघंटी (पिठाची चक्की), मच्छीविक्री करणाऱ्या महिलांना व्यवसायासाठी २५ शीतपेट्या, शेतकरी बांधवांना चार प्रासकटर देण्यात आले. या प्रसंगी तसेच राजापूरचे आमदार राजन साळवी यांनी भेट देऊन संस्थानच्या उपक्रमाचे कौतुक केले.

काँग्रेस जिल्हाध्यक्ष अविनाश लाङ म्हणाले, जगद्गुरू नरेंद्राचार्य महाराज यांचे सर्व उपक्रम अनुकरणीय आहेत. त्यांनी लाखो लोकांना व्यसनमुक्त केले. त्यातून अनेकांचे संसार तुटण्यापासून वाचवले आहेत. तर राष्ट्रवादी काँग्रेसचे सरचिटणीस अजित यशवंतराव यांनी मनोगत व्यक्त केले. उपस्थितांपुढे आशा राऊत यांचे प्रवचन होते. या कार्यक्रमाला निरीक्षक संदीप नार्वेकर, जिल्हाध्यक्ष बाळकृष्ण चव्हाण, नारायण गावकर, तालुका अध्यक्ष संतोष वाडकर, सर्व पदाधिकारी, सदस्य, पादुका दर्शन सोहळा प्रमुख उदय रानभरे, महिलाध्यक्षा कोठावळे आदी उपस्थित होते. मधुरा सागवेकर यांनी सूत्रसंचालन केले.

शाळेला ५० हजारांचे साहित्यही भेट – नाटे येथील नगर विद्यामंदिर शाळेला संस्थांच्या माध्यमातून ५० हजार रुपये किमतीचे प्रयोगशाळा साहित्य भेट देण्यात आले. या सामाजिक उपक्रमातील वस्तूंचे वाटप काँग्रेसचे जिल्हाध्यक्ष अविनाश लाड, अजित यशवंतराव, संदीप बांदकर, साखरी नाटेच्या सरपंच ठाकूर, रमेश लांजेकर, प्रा. करे आदींच्या हस्ते झाले. या उपक्रमाचे सर्वत्र कौतुक होत आहे.

RELATED ARTICLES

Most Popular