कशेडी बोगद्यात गळती सुरू आहे. मात्र त्यामुळे बोगद्यात कोणताही धोका नसल्याची माहिती सार्वजनिक बांधकाममंत्री ना. शिवेंद्रसिंह भोसले यांनी गुरुवारी कशेडी बोगद्यांच्या पाहणीदरम्यान पत्रकारांशी बोलताना दिली. यावेळी त्यांनी गणेशोत्सवाच्या पार्श्वभूमीवर ग्रामीण भागातील प्रमुख आणि अंतर्गत रस्त्यांवरील खड्डे तातडीने बुजवण्याचे आदेशही अधिकाऱ्यांना दिले आहेत. बांधकाममंत्री ना. शिवेंद्रसिंह भोसले यांनी गुरुवारी सायंकाळी उशीरा मुंबई-गोवा महामार्गाची पाहणी केली. यावेळी त्यांनी रत्नागिरी आणि रायगड जिल्ह्यांना जोडणाऱ्या कशेड़ी बोगद्याची पाहणी केली. कशेडी बोगद्यातून गळणाऱ्या पाण्यामुळे काही तांत्रिक अडचणी निर्माण झाल्याची शक्यता वर्तवली जात होती. मात्र, यावर स्पष्टीकरण देताना ना. भोसले यांनी सध्या बोगद्यामध्ये गळणाऱ्या पाण्यामुळे कोणताही धोका नाही.
तांत्रिक चाबींची पाहणी करून आवश्यक उपाययोजना केल्या जात आहेत, असे त्यांनी सांगितले. खडे बुजवण्याचे आदेश सध्यस्थितीत मुंबई-गोवा महामार्गावर अनेक ठिकाणी तसेच प्रमुख जिल्हा मार्ग आणि ग्रामीण भागातील अंतर्गत रस्ते खड्डेमय झाले आहेत. मणेशोत्सवापूर्वीच खड्डे भरण्याचे आश्वासन ना. भोसले यांनी यावेळी दिले, तसेच गणेशोत्सवाच्या पार्श्वभूमीवर वाहतूक कोंडी आणि अपघात टाळण्यासाठी प्रशासनाला ठोस उपाययोजना राबवण्याचे निर्देशही देण्यात आले आहेत, अशी माहिती ना. भोसले यांनी दिली. यावेळी भाजपचे जिल्हाध्यक्ष सतीश मोरे, खेड तालुकाध्यक्ष ऋषिकेश मोरे, भूषण काणे, माजी आम दार संजय कदम आणि जिल्हा प्रमुख शशिकांत चव्हाण यांच्यासह अधिकारी उपस्थित होते.
