33.2 C
Ratnagiri
Thursday, February 29, 2024

कातकरी कुटुंबीयांसाठी ‘शासन आपल्या दारी’

चिपळूण तालुक्यात वर्षानुवर्षे वास्तव्यास असलेल्या; परंतु अधिकृत...

चिपळुणातील वृद्ध महिलेच्या खुनाला वाचा फुटली

वालोपे येथे झालेल्या वृद्ध महिलेच्या खुनाला अखेर...

किरण सामंतांनी घेतले ना. नारायण राणेंचे आशीर्वाद…

रत्नागिरी सिंधुदुर्ग लोकसभा मतदारसंघातून भाजपचे जेष्ठ नेते...
HomeRatnagiriलांज्यात आज ठाकरे गटाचे उपोषण, आ. साळवींनी आणलेला विकासनिधी अन्यत्र वळवला ?

लांज्यात आज ठाकरे गटाचे उपोषण, आ. साळवींनी आणलेला विकासनिधी अन्यत्र वळवला ?

९ कोटींच्या विकास कामांचा निधी.

शहरातील विविध विकास काम ांसाठी आमदार राजन साळवी यांनी आणलेला सुमारे ९ कोटींच्या विकास कामांचा निधी शिंदे गटाचे नगराध्यक्ष व नगरपंचायत प्रशासनाने केवळ राजकीय सुडबुद्धिने व सदस्य संख्येच्या बळावर अन्य प्रभागात वळवून प्रभागातील विकास कामांना खीळ घालण्याचा निंदनीय प्रकार केल्याचा आरोप शिवसेनेच्या ठाकरे गटाने केला आहे. या विरोधा सकाळी ९.३० वाजता लांजा तहसीलदार कार्यालयासमोर लाक्षणिक उपोषण छेडण्यात येणार असल्याची माहिती शिवसेना उद्धव बाळासाहेब ठाकरे पक्षाचे नगरसेवक व शहरप्रमुख यांनी पत्रकार परिषदेत दिली.

लांजा नगरपंचायत प्रशासन व नगराध्यक्ष यांच्या विरोधात या अगोदर १५ ऑगस्ट २०२३ रोजी पुकारलेल्या उपोषणाच्या पूर्वसंध्येला नगराध्यक्ष मनोहर बाईत यांनी पुढील दोन महिन्यांत सदरह विकासकामे फेरबदल न करता पुर्ण केली जातील असे आश्वासन दिल्याने नगराध्यक्ष आणि त्यांच्या सहकाऱ्यांविरोधात पुकारलेले उपोषण तात्पुरते स्थगित करण्यात आले होते.

परंतु त्यानंतर दिलेल्या मुदतीत कामांच्या संदर्भात अचानक फेरबदल करून नगराध्यक्ष आणि प्रशासन यांनी आम्हाला कुठल्याही प्रकारची माहिती न देता केवळ राजकीय सुडबुद्धिने आणि अनास्थेपोटि सदरहू मंजूर करण्यात आलेल्या विकास कामांचा निधी शासकीय यंत्रणेचा वापर करून परस्पर संगनमताने बदलून मंजूर विकास निधी पळवून नेल्याचा आरोप नगरसेवक व शहरप्रमुख यांनी यावेळी केला. या सर्व प्रकरणाची पोलखोल करण्यासाठी आमदार राजन साळवी यांच्या अध्यक्षतेखाली शिवसेना उद्धव बाळासाहेब ठाकरे पक्षाच्यावतीने तसेच महाविकास आघाडी सोबत पक्षाचे सर्व नगरसेवक, पदाधिकारी, तालुका कार्यकारिणी, शहर कार्यकारिणी, सदस्य उपोषण छेडणार आहेत.

RELATED ARTICLES

Most Popular