26.9 C
Ratnagiri
Saturday, August 30, 2025

वाहतूक कोंडीत अडकले राजापूर शहर…

दिवसागणिक वाहनांची आणि वाहने वापरणाऱ्यांची संख्या वाढत...

सवलतीच्या लाभासाठी ‘लालपरी’ला पसंती – रत्नागिरी विभाग

राज्य परिवहन महामंडळातर्फे लाडक्या लालपरीतून प्रवास करणाऱ्या...

दीड दिवसांच्या बाप्पाला भक्तांनी दिला भावपूर्ण निरोप

जिल्ह्यात दीड दिवसांच्या गणेशोत्सवाची गुरूवारी थाटामाटात सांगता...
HomeEntertainmentहोणाऱ्या नवऱ्यासह कोकण हार्टटेड गर्ल अंकिता पोहोचली कोकणात!

होणाऱ्या नवऱ्यासह कोकण हार्टटेड गर्ल अंकिता पोहोचली कोकणात!

लाडक्या लेकीला एवढ्या दिवसांनी घरी परतलेलं पाहून तिचे आई-बाबा प्रचंड आनंदी झाले होते.

कोकण हार्टेड गर्ल’ म्हणून ओळखली जाणारी अंकिता वालावलकर गेल्या काही महिन्यांपासून ‘बिग बॉस मराठी’मुळे प्रचंड चर्चेत आहे. तिचा चाहतावर्ग मोठ्या प्रमाणात आहे. ‘बिग बॉस’चा ग्रँड फिनाले पार पडल्यावर सगळे स्पर्धक आपआपल्या घरी परतले होते. गावागावांत प्रत्येकाचं जंगी स्वागत झालं. मात्र, अंकिताने रॅलीसाठी नकार देऊन मुंबईतली सगळी कामं पूर्ण करून ही कोकण हार्टेड गर्ल आपल्या आई-बाबांना भेटण्यासाठी गावी परतली आहे. अंकिता वालावलकरने (Ankita Walawalkar ) घरी परतल्याचा खास व्हिडीओ सोशल मीडियावर शेअर केला आहे. यावेळी तिच्या बरोबर तिचा होणारा नवरा कुणाल देखील होता. सिंधुदुर्गात जाताना वाटेत अंकिता सोशल मीडिया स्टार आणि तिचा जवळचा मित्र मंदार शेट्येला भेटली. अंकिताला जास्तीत जास्त व्होट मिळावेत यासाठी मंदारने बाहेरून तिला खूप पाठिंबा दिला होता. त्यामुळे कोकण हार्टेड गर्लने भेटून त्याचे आभार मानले.

अंकिता कोकणात परतली – अंकिता मालवणात पोहोचल्यावर तिच्या स्वत:च्या दुकानात गेली. याठिकाणी तिने सगळ्या गोष्टी व्यवस्थित सुरू आहेत की नाही याची खात्री केली. तिच्या होणाऱ्या नवऱ्याने काही मालवणी पदार्थ टेस्ट केले आणि हे दोघं जोडीने अंकिताच्या राहत्या घराच्या दिशेने रवाना झाले. लाडक्या लेकीला एवढ्या दिवसांनी घरी परतलेलं पाहून तिचे आई-बाबा प्रचंड आनंदी झाले होते. अंकिता तिच्या वडिलांना बिग बॉसच्या घरात भेटली होती. मात्र, आईपासून ती गेले कित्येक महिने लांब होती. त्यामुळेच पाहताच क्षणी अंकिताने आईला घट्ट मिठी मारली अंकिताच्या आईने औक्षण करून लेकीला घरात घेतलं. यावेळी मायलेकींचे डोळे पाणावले होते. औक्षण झाल्यावर दोघेही एकत्र “आता Bigg Boss नको आता झालं” असं म्हणाल्या. हा सुंदर व्हिडीओ सध्या सोशल मीडियावर व्हायरल होत आहे. अंकिताच्या व्हिडीओवर सर्वांनी कौतुकाचा वर्षाव केला आहे. याशिवाय वैयक्तिक आयुष्यात अंकिता लवकरच विवाहबंधनात अडकणार आहे. मराठी संगीत दिग्दर्शक कुणाल भगतसह अंकिता लवकरच लग्न करणार आहे. दसऱ्याच्या शुभमुहूर्तावर त्याच्याबरोबर फोटो शेअर करत या ‘कोकण हार्टेड गर्ल’ने आपल्या प्रेमाची जाहीर कबुली दिली होती.

RELATED ARTICLES

Most Popular