महाराष्ट्र राज्य विद्युत वितरण कंपनीच्या येथील संचालन व सुव्यवस्था विभागाच्या खेड व लोटे उपविभागातील ७ कार्यालयांसाठी मंजूर १३६ पदांपैकी ८७ पदे रिक्त आहेत. ४९ पदांवर अधिकारी व कर्मचारी कार्यरत असून रिक्त पदांमुळे कर्मचाऱ्यांना अतिरिक्त कारभार सांभाळताना तारेवरची कसरत करावी लागत आहे. महावितरणच्या विभागीयकार्यालयामध्ये खेड, लोटे, मंडणगड, दापोली १२ उपविभागांचा समाविष्ट आहे. यातील खेड व लोटे या दोन उपविभागांतर्गत तालुक्यातील खेड, लोटे, भरणे, आंबवली, कर्जी व खोपी शाखा कार्यालयांचा समावेश आहे.
या कार्यालयांसाठी अधिकारी व कर्मचाऱ्यांच्या मंजूर पदांपैकी बहुतांशी पदे रिक्त असल्याने कार्यरत कर्मचाऱ्यांवर अतिरिक्त ताण पडत आहे. अनेक वीज कर्मचाऱ्यांकडे एकापेक्षा अधिक गावांचा भार सोपवण्यात आल्याने ग्राहकांना सेवा देताना दमछाक होत आहे. खेड उपविभागासाठी मंजूर असलेले १ गुणनियंत्रक अधिकारी व ३ निम्नस्तर लिपीक (लेखा) पद रिक्त आहे. खेड शहर शाखा कार्यालयात १ प्रधान तंत्रज्ञ पदाची रिक्त असून ७ वरिष्ठ तंत्रज्ञपैकी ३, तंत्रज्ञ ५ पदापैकी ४. खेड ग्रामीण २ साठी वरिष्ठ तंत्रज्ञ ७ पैकी ३. ग्रामीण ३ साठी वरिष्ठ तंत्रज्ञ ७ पदांपैक २ पदे रिक्त आहेत.
