27.7 C
Ratnagiri
Saturday, October 1, 2022

दोन जिल्ह्यांसाठी वन्य प्राण्यांसाठी अद्ययावत रुग्णवाहिका दाखल

रत्नागिरीसह सिंधुदुर्गमधील वन्य प्राण्यांच्या बचावासाठी वनविभागाच्या खारफुटी...

गुहागर पोलिसांनी पलायन केलेला आरोपीच्या ४ तासात मुसक्या आवळल्या

आरोपीला न्यायालयातून परत नेत असताना लघुशंकेला जायचे...

कडवईच्या डॉक्टरांची हजारो रुपयांची ऑनलाईन फसवणूक

जिल्ह्यातील ऑनलाईन फसवणुकीच्या घटना दिवसेंदिवस वाढतच चालल्या...
HomeRajapurरजेच्या दिवशी कामावर आलेल्या वायरमनचा शॉक लागून मृत्यू

रजेच्या दिवशी कामावर आलेल्या वायरमनचा शॉक लागून मृत्यू

मयत गमरे यांचा रविवारी सुट्टी असताना महावितरणच्या अधिकार्‍यांनी त्यांना कामावर बोलवले होते.

सध्या महावितरण आणि त्याची वाढीव बिले याचा वाद सुरु असतानाच रजेच्या दिवशी सुद्धा कार्यतत्परतेने कामावर हजर राहून ड्युटी निभावताना एका वायरमनचा शॉक लागून मृत्यू ओढवला आहे. अनेक कर्मचाऱ्याबद्दल वेळेवर काम न करणे, कामातील बेजबाबदारपणा, हलगर्जीपणा याबाबत कार्यालयामध्ये अनेक तक्रारी नोंदविल्या जातात. परंतु, गमरे हे त्यांच्या हक्काच्या सुट्टीच्या दिवशी देखील, कार्यालयातून फोन आल्यावर कामाच्या जागी हजर राहून दुरुस्तीचे काम देखील सुरु केले.

मुंबई गोवा महामार्गावर ओणी येथील पेट्रोलपंप समोरील महावितरणच्या डिपीवर दुरूस्तीचे काम करत असताना वायरमन प्रकाश बाबू गमरे वय ५२ रा. ओणी या विज कर्मचाऱ्याचा शॉक लागून जागीच मृत्यु झाला आहे. रविवारी सकाळी ११ वाजण्याच्या दरम्यान ही दुर्घटना घडली. घडलेल्या घटनेमुळे ग्रामस्थांमध्ये मोठ्या प्रमाणात वातावरण तप्त झाले आहे.

मिळालेल्या माहितीनुसार, मयत गमरे यांचा रविवारी सुट्टी असताना महावितरणच्या अधिकार्‍यांनी त्यांना कामावर बोलवले होते. ते सकाळी ११ वाजण्याच्या दरम्यान ओणी पेट्रोलपंपासमोरील महावितरणच्या डीपीवर दुरूस्तीचे काम करत असताना त्यांना जोरदार शॉक लागून ते जागीच गतप्राण झाले. शॉक लागलेल्या अवस्थे मध्येच ते डीपीला लटकत होते. त्यांना अशा अवस्थेत पासून अनेक गावकऱ्यांचा पारा चढला. त्यांनी त्वरित महावितरण कार्यालयामध्ये याबाबतची माहिती दिली. या घटनेने ग्रामस्थ संतप्त झाले असून घटनास्थळी ग्रामस्थांची तोबा गर्दी झाली होती. अशा कार्यतत्पर कर्मचाऱ्याचे अशा प्रकारे शॉक लागून मृत्यू झाल्याने ओणी गावावर शोककळा पसरली आहे. कर्मचाऱ्यांच्या सुरक्षिततेचा प्रश्न अजूनही ऐरणीवर असल्याचे समोर आले आहे.

RELATED ARTICLES

Most Popular