27.9 C
Ratnagiri
Monday, September 26, 2022

नवरात्रीचे औचित्य साधून, महिलांसाठी एक खास अभियान

आज २६ सप्टेंबर २०२२ पासून शारदीय नवरात्रीला...

रत्नागिरी पोलिसांनी दोन दिवसांत गोव्यातून चोरांच्या मुसक्या आवळल्या

रत्नागिरी शहरात गुन्हेगारीच्या घटना वाढत आहेत. रत्नागिरी...

परशुराम घाटात सुरु असलेल्या कामांना ११ महिन्यांची मुदत, सोबत पुनर्वसन

मुंबई-गोवा महामार्गावरील महत्वाच्या आणि ऐतिहासिक परशुराम मंदिरामुळे...
HomeMaharashtraकेवळ हजर कर्मचाऱ्यांनाच विलीनीकरणाचा लाभ मिळेल, संदेश व्हायरल झाल्याने हजारो कर्मचारी आझाद...

केवळ हजर कर्मचाऱ्यांनाच विलीनीकरणाचा लाभ मिळेल, संदेश व्हायरल झाल्याने हजारो कर्मचारी आझाद मैदानामध्ये दाखल

कडक उन्हात उभे राहून कर्मचारी विलीनीकरण आणि अन्य मागण्यांसाठी जोरजोरात नारे देत आहेत.

मुंबई उच्च न्यायालयाने एसटी महामंडळाच्या विलीनीकरणावर भूमिका स्पष्ट करण्यासाठी राज्य सरकारला १५ दिवसांची मुदतवाढ दिली होती. यावर उच्च न्यायालयात सुनावणी होणार होती;  परंतु संपकऱ्यांचे वकील अॅड. गुणरत्न सदावर्ते न्यायालयात गैरहजर राहिल्याने आज बुधवारी दि. ६ रोजी सुनावणी होणार आहे.

राज्याच्या विविध भागांतील हजारो एसटी कर्मचारी कडक उन्हामुळे अंगाची लाही लाही होत असताना सुद्धा  असह्य उकाडयाची काळजी न करता आझाद मैदानामध्ये दाखल झाले आहेत. उच्च न्यायालयात विलीनीकरणाबाबत होणाऱ्या सुनावणीची उत्सुकता आणि हजर असलेल्या कर्मचाऱ्यांनाच विलीनीकरणाचा लाभ मिळेल अशा आशयाचा संदेश व्हायरल झाल्याने सोमवार पासूनच संपकरी कर्मचाऱ्यांनी आझाद मैदानाकडे धाव घेतली आहेत.

संपात सहभागी असलेल्या कर्मचाऱ्यांना पाच महिन्यांपासून वेतन न मिळाल्याने पैसे उसनेवारी घेऊन घरखर्च चालवावा लागत आहे. परंतु, आपल्या विलीनीकरणाच्या मागणीसाठी ते आज पर्यंत अडून राहिले आहेत त्यामुळे कोणत्याही भूलथापांवर विश्वास न ठेवता विलीनीकरणाच्या मागणीवर एसटी कर्मचारी ठाम राहिले आहेत.

मुंबई विभागाबरोबरच, रायगड, रत्नागिरी, सिंधुदुर्ग, अकोला, उस्मानाबाद, यवतमाळ, सांगली, वर्धा, औरंगाबाद, चंद्रपूर यासह एकूण ३२ विभागातून मोठय़ा प्रमाणात कर्मचारी सामानासहित आझाद मैदानात दाखल झाले आहेत. कडक उन्हात उभे राहून कर्मचारी विलीनीकरण आणि अन्य मागण्यांसाठी जोरजोरात नारे देत आहेत. यात महिला कर्मचाऱ्यांचीही संख्या लक्षणीय आहे, कुटुंब मुले यांची जबाबदारी बाजूला सारून नोकरीच्या सेवेबाबत अनेक महिला कर्मचारी संपामध्ये अद्याप पर्यंत ठाम आहेत.

RELATED ARTICLES

Most Popular