27.9 C
Ratnagiri
Monday, September 26, 2022

खेड तालुक्यातील राज्य पशुसंवर्धन खात्याच्या १७ दवाखान्यांची स्थिती बिकट

राज्यात सध्या जनावरांवर लंपी त्वचा रोगाचा फैलाव...

नवरात्रीचे औचित्य साधून, महिलांसाठी एक खास अभियान

आज २६ सप्टेंबर २०२२ पासून शारदीय नवरात्रीला...

रत्नागिरी पोलिसांनी दोन दिवसांत गोव्यातून चोरांच्या मुसक्या आवळल्या

रत्नागिरी शहरात गुन्हेगारीच्या घटना वाढत आहेत. रत्नागिरी...
HomeEntertainmentजॅकलिन फर्नांडिस आणि आरोपी सुकेश चंद्रशेखर होते रिलेशनशिपमध्ये

जॅकलिन फर्नांडिस आणि आरोपी सुकेश चंद्रशेखर होते रिलेशनशिपमध्ये

ईडीने एप्रिलमध्ये अभिनेत्रीची सात कोटींहून अधिक संपत्ती जप्त केली होती.

अभिनेत्री जॅकलिन फर्नांडिसच्या अडचणीत वाढ झाली आहे. २०० कोटींच्या मनी लाँड्रिंग प्रकरणात अभिनेत्रीला आरोपी बनवण्याची ईडी तयारी करत आहे. तपास यंत्रणा बुधवारी न्यायालयात आरोपपत्र दाखल करण्याची शक्यता आहे. ईडीने एप्रिलमध्ये अभिनेत्रीची सात कोटींहून अधिक संपत्ती जप्त केली होती.

मीडिया रिपोर्ट्सनुसार, ईडीचा असा विश्वास आहे की जॅकलिनला सुरुवातीपासूनच माहित होते की या प्रकरणातील मुख्य आरोपी सुकेश चंद्रशेखर हा ठग आहे आणि तो खंडणीखोर आहे. दोघे रिलेशनमध्ये होते. त्यांचे अनेक खासगी फोटोही सोशल मीडियावर व्हायरल झाले होते, त्यानंतर ईडीने जॅकलिनची चौकशी केली आणि दोघांचे फोटो पुरावे म्हणून ठेवले. सुकेशने रॅनबॅक्सीच्या माजी प्रवर्तकांच्या पत्नींकडून २०० कोटी रुपये उकळले होते.

ईडीने अद्याप न्यायालयात आरोपपत्र सादर न केल्यामुळे या प्रकरणात जॅकलिनची अटक अद्याप होऊ शकत नाही. न्यायालयीन सुनावणीनंतर अटक केली जाऊ शकते. मात्र, त्यांना अद्याप देशाबाहेर जाण्याची परवानगी नाही.

ईडीच्या चौकशीदरम्यान जॅकलिनने सुकेशसोबतचे संबंध मान्य केले होते. रिपोर्ट्सनुसार, अभिनेत्रीने चौकशी दरम्यान सांगितले की, तिने सुकेशकडून करोडो रुपयांच्या गिफ्ट्स घेतल्या होत्या. सुकेशने तिला हिऱ्याची अंगठी देऊन प्रपोज केले. या रिंगमध्ये J आणि S बनवले गेले. सुकेशने अभिनेत्रीला ५० लाखांचा घोडा आणि ९-९ लाख रुपयांची मांजर भेट दिली. याशिवाय ३ गुची डिझायनर बॅग, २ गुची जिम वेअर, एक जोडी Louis Vuitton शूज, २ जोडी डायमंड कानातले, एक रुबी ब्रेसलेट, दोन हर्मीस ब्रेसलेट आणि एक मिनी कूपर कार देण्यात आली.

सुकेश चंद्रशेखरशी संबंधित प्रकरणात प्रथम दिल्ली पोलिसांत एफआयआर नोंदवण्यात आला होता. दिल्ली ईओडब्ल्यूने ऑगस्टमध्ये त्या एफआयआरची चौकशी सुरू केली. या प्रकरणी ईडीने मनी लाँड्रिंगचीही चौकशी सुरू केली होती.

RELATED ARTICLES

Most Popular