33.2 C
Ratnagiri
Thursday, February 29, 2024

कातकरी कुटुंबीयांसाठी ‘शासन आपल्या दारी’

चिपळूण तालुक्यात वर्षानुवर्षे वास्तव्यास असलेल्या; परंतु अधिकृत...

चिपळुणातील वृद्ध महिलेच्या खुनाला वाचा फुटली

वालोपे येथे झालेल्या वृद्ध महिलेच्या खुनाला अखेर...

किरण सामंतांनी घेतले ना. नारायण राणेंचे आशीर्वाद…

रत्नागिरी सिंधुदुर्ग लोकसभा मतदारसंघातून भाजपचे जेष्ठ नेते...
HomeRatnagiriशीळ धरणातील पाणीसाठा आटला , जेमतेम १५ दिवस पाणी

शीळ धरणातील पाणीसाठा आटला , जेमतेम १५ दिवस पाणी

रत्नागिरी शहराला पाणीपुरवठा करणाऱ्या शीळ धरणातून एक दिवस आड पाणीपुरवठा केल्यास महिनाभर पुरेल इतकाच पाणीसाठा शिल्लक आहे. दररोज पाणीपुरवठा केल्यास जेमतेम १५ दिवस पुरेल इतकाच पाणीसाठा शिल्लक असल्याने रत्नागिरी मोठी पाणीटंचाई शहरवासियांना मोठी जाणवण्याची भीती आहे.शीळ धरणातून रत्नागिरी शहरवासियांना सध्या १६ ते १७ एमएलटी पाणी देण्यात येते. आजच्या घडीला शीळ धरणातील पाण्याचा साठा ०.४४४ दशलक्ष घनमीटर इतका आहे. दररोज पाणीपुरवठा केल्यास हे पाणी १५ दिवस पुरेल. सध्या शहरात एक दिवसा आड पाणीपुरवठा केला जात आहे. त्यामुळे महिनाभर पाणीसाठा पुरू शकतो. दरम्यान एक दिवसाआड पाणी येत असल्याने रत्नागिरीकरांना खासगी टँकर्सवाल्यांकडून पाणी घेण्यासाठी धडपड करावी लागत आहे.

५ हजार लिटर पाण्याचा टँकर घेतला तर आजवर ८०० रूपये द्यावे लागत होते. आता ५ हजार लिटरच्या टँकरसाठी ११०० रूपयांच्या आसपास पैसे मोजावे लागतात. यामुळे ६८ कोटी रूपये खर्च करून उभारण्यात येणाऱ्या नळपाणी योजनेचे झाले काय? असा सवाल शहरवासिय करत आहेत. या योजनेचे काम ठेकेदाराने का अपूर्ण ठेवले आहे? याचीही चर्चा सुरू आहे. या योजनेसाठी वापरण्यात आलेल्या पाईपलाईनविषयीदेखील साशंकता असल्याची चर्चा सुरू आहे. अनेक ठिकाणी पाईप फुटतात, त्यामागे काय आहे याचीही उघड चर्चा सुरू आहे. पाण्याच्या दाबाने पाईप फुटतात असे जीवन प्राधीकरणच्यावतीने सांगण्यात येते. त्यामुळे पाईपच्या दर्जाविषयी अनेकांना शंका वाटते. हायड्रोलिक टेस्टिंग करावी अशी मागणी जोर धरत आहे.

RELATED ARTICLES

Most Popular