25.9 C
Ratnagiri
Monday, July 15, 2024

मुंबईला जगाची आर्थिक राजधानी बनविण्याचं माझं स्वप्नः नरेंद्र मोदी

लोकसभेच्या निवडणूक निकालानंतर पहिल्यांदाच पंतप्रधान नरेंद्र मोदी...

संगमेश्वरात एसटीतून चक्क छत्र्या उघडून करावा लागला प्रवास

शनिवारी संगमेश्वर ते कोंडये सोडण्यात आलेल्या एस....

मुंबईसह कोकणातही मुसळधार पावसाची बरसात…

मुंबई शहरासह उपनगरात आज सकाळपासूनच पावसाने दमदार...
HomeRatnagiriकोकण रेल्वे 'वंदे भारत'चा आरक्षण कोटा वाढवा

कोकण रेल्वे ‘वंदे भारत’चा आरक्षण कोटा वाढवा

रत्नागिरीसह खेडचा कोटा वाढवण्यात यावा, अशा मागणीचे निवेदन कोकण विकास समितीच्या वतीने केंद्रीय रेल्वेमंत्री अश्विनी वैष्णव यांना देण्यात आले.

कोकण मार्गावरून धावणाऱ्या सुपरफास्ट वंदे भारत एक्स्प्रेसला दिवसागणिक प्रवाशांचा प्रतिसाद वाढत आहे; मात्र परतीच्या प्रवासात मडगाव-सीएसएमटी वंदे भारत एक्स्प्रेसला रत्नागिरीला २२ तर खेडला ४ अशा केवळ २६ आसनांचा तुटपुंजा कोटा देण्यात आला आहे. हा कोटा अपुरा पडत असून, प्रवाशांना गैरसोयीला समोर जावे लागत आहे. रत्नागिरीसह खेडचा कोटा वाढवण्यात यावा, अशा मागणीचे निवेदन कोकण विकास समितीच्या वतीने केंद्रीय रेल्वेमंत्री अश्विनी वैष्णव यांना देण्यात आले. आसनक्षमता ५३० असलेल्या २२२३० क्रमांकाच्या मडगाव- सीएसएमटी मुंबई वंदे भारत एक्स्प्रेसमध्ये रत्नागिरी व खेड एसी चेअर कारमध्ये २२ जागा तर एक्झिक्युटिव्ह श्रेणीतील ४ जागांचा अशा २६ रिमोट लोकेशन आरक्षण कोटा परिभाषित केला आहे.

उर्वरित ३७५ जागा मडगाव, थिविम आणि कणकवलीसाठी राखीव आहेत. रत्नागिरी व खेड या दोन प्रमुख स्थानकांसाठी सध्याचा कोटा अपुरा असून, २६ आसनांचे आरक्षण फुल्ल झाल्यानंतर त्यापुढील त्यापुढील आरक्षण प्रतीक्षा यादीवरच जाते. २२२२९ मुंबई- सीएसएमटी मडगाव वंदे भारत एक्स्प्रेसने सुमारे ६०-१०० प्रवासी खेड आणि रत्नागिरी येथे उतरले. तथापि, मर्यादित रत्नागिरी रिमोट बुकिंग कोट्यामुळे या स्थानकांवरून २२२३० मडगाव- सीएसएमटी मुंबई वंदे भारत एक्स्प्रेसमध्ये फक्त २०- ३० प्रवासी चढू शकतात.

याचा परिणाम सामान्यतः या स्थानकांच्या उत्पन्नासह प्रति दिवसाच्या सरासरीवर व खेडच्या उत्पन्नावर होत आहे. या पार्श्वभूमीवर २२२३० मडगाव-सीएसएमटी मुंबई वंदे भारत एक्स्प्रेसमधील रिमोट लोकेशन प्रतिक्षायादीवरील आरक्षण कोटा एसी चेअर कारमध्ये किमान १०० जागांपर्यंत वाढवावा किंवा खेडमधून सुमारे ३० जागांचा अतिरिक्त रिमोट लोकेशन कोटा द्या जेणेकरून रत्नागिरी व खेडला पुरेशा जागा मिळतील, अशी मागणी निवेदनाद्वारे करण्यात आली आहे.

RELATED ARTICLES

Most Popular