26.6 C
Ratnagiri
Wednesday, July 16, 2025

कशेडीत लोखंडी जाळ्यांचे ‘सुरक्षा कवच’

मुंबई-गोवा महामार्गावरील प्रवाशांसाठी कायमची डोकेदुखी ठरलेल्या कशेडी...

धनुष्यबाण कुणाचा? निवडणुकांपूर्वी उध्दव ठाकरेंना मिळणार कौल?

१० दिवसांपूर्वी शिवसेना उध्दव बाळासाहेब ठाकरे पक्षाचे...

सरपंचपदाचे आरक्षण जाहीर होताच काहीजण आनंदित, अनेकांचा हीरमोड

जिल्हयात सोमवारी सरपंचपदाच्या आरक्षणाची लॉटरी निघाली. त्यानंतर...
HomeEntertainmentहि जाहिरात हुंडा प्रथेच्या समर्थनासाठी आहे का .. !

हि जाहिरात हुंडा प्रथेच्या समर्थनासाठी आहे का .. !

रस्ते सुरक्षेवर केंद्रीय रस्ते, वाहतूक आणि महामार्ग मंत्रालयाने केलेल्या व्हिडिओ जाहिरातीवर जोरदार टीका होत आहे.

केंद्रीय मंत्री नितीन गडकरी यांनी शेअर केलेल्या व्हिडीओमध्ये पोलीस अधिकारी झालेला अक्षय कुमार मुलीच्या निरोपावर रडत असताना वडिलांना सांगतोय की, जर तुम्ही मुलीला अशा गाडीत बसवून पाठवलं तर ती रडणारच. मग रडणारे वडील विचारतात – या कारमध्ये काय कमतरता आहे, यावर अक्षय म्हणतो की दोनच एअरबॅग आहेत. त्यानंतर कार बदलते आणि वर कारमध्ये ६ एअरबॅग मोजताना दिसतात.

रस्ते सुरक्षेवर केंद्रीय रस्ते, वाहतूक आणि महामार्ग मंत्रालयाने केलेल्या व्हिडिओ जाहिरातीवर जोरदार टीका होत आहे. या जाहिरातीत पोलीस अधिकारी झालेला अक्षय कुमार आपल्या मुलीच्या निरोपाच्या वेळी एका वडिलांना ६ एअरबॅग्ज असलेल्या कारचे फायदे सांगत आहे. हा व्हिडीओ ९ सप्टेंबरला रिलीज झाला होता, मात्र आता तो वादाच्या भोवऱ्यात सापडला आहे. सोशल मीडियावर लोक विचारत आहेत, हा हुंडा समर्थन आहे का? मात्र, या संपूर्ण जाहिरातीत वराचे पालक दिसत नाहीत. तसेच ही गाडी त्यांना भेट म्हणून, दुसऱ्या शब्दांत हुंडा म्हणून दिली जात आहे, असेही म्हटले जात नाही.

हा व्हिडीओ व्हायरल झाला असून, अनेक यूजर्स त्यावर प्रश्न विचारत आहेत. शिवसेना खासदार प्रियांका चतुर्वेदी यांनी लिहिलं आहे – सरकार या जाहिरातीद्वारे कार सुरक्षेचा प्रचार करत आहे की हुंडा प्रथेला चालना देण्यासाठी पैसा खर्च करत आहे. वाढत्या रस्ते अपघातांवर सरकार आपली जबाबदारी कशी झटकत आहे, असेही काहींनी सांगितले. आणि टिकून राहण्यासाठी टॉप मॉडेल वाहनांना प्रोत्साहन देत आहे.

या जाहिरातीशिवाय अक्षय कुमारने आणखी दोन व्हिडिओंमध्येही काम केले आहे. या तिन्ही जाहिराती देशभरात राबविण्यात येत असलेल्या राष्ट्रीय रस्ता सुरक्षा अभियानांतर्गत करण्यात आल्या आहेत. हे नितीन गडकरी यांनी ट्विटरवर शेअर केले आहेत.

RELATED ARTICLES

Most Popular