28.9 C
Ratnagiri
Sunday, February 5, 2023

पालशेतच्या समुद्रकिनाऱ्यावर सागरी साहसी खेळांची सुविधा उपलब्ध

नवीन वर्षाचे स्वागत आणि कोकण किनारपट्टी एक...

बागायतदारांचे जिल्हाधिकारी कार्यालयासमोर एकदिवशीय धरणे आंदोलन

कोरोनाचे संकट, त्यानंतर चक्रीवादळ अशा नैसर्गिक दुष्टचक्रामध्ये...

नववर्षाच्या स्वागतासाठी पोलीस यंत्रणा सक्रीय

सरत्या वर्षाला निरोप देण्यासाठी आणि नवीन वर्षाचे...
HomeIndiaफरारी दहशतवादी दाऊदने मोदींच्या हत्येचा आखला कट

फरारी दहशतवादी दाऊदने मोदींच्या हत्येचा आखला कट

फरार दहशतवादी दाऊद इब्राहिमने पंतप्रधानांच्या हत्येचा कट रचला असल्याचे सांगण्यात आले आहे.

पंतप्रधान नरेंद्र मोदी यांच्या जीवाला धोका असल्याचा सूत्रांकडून मिळालेल्या माहितीनुसार, मुंबई पोलिसांना एक व्हॉट्सअॅपवर मेसेज मिळाला.  ज्यामध्ये फरार दहशतवादी दाऊद इब्राहिमने पंतप्रधानांच्या हत्येचा कट रचला असल्याचे सांगण्यात आले आहे. या संदेशानंतर सुरक्षा यंत्रणा सतर्क झाल्या आहेत. मिळालेल्या माहितीनुसार, मुंबई ट्रॅफिक पोलिसांना पाठवलेल्या ऑडिओ मेसेजमध्ये दाऊद इब्राहिमने मुश्ताक अहमद आणि मुश्ताक नावाच्या दोन दहशतवाद्यांना पंतप्रधान मोदींच्या हत्येचे कंत्राट दिल्याचे म्हटले आहे. याप्रकरणी वरळी पोलीस ठाण्यात एफआयआर दाखल करण्यात आला असून पोलीस मेसेज पाठवणाऱ्याचा शोध घेत आहेत.

पंतप्रधान नरेंद्र मोदींना या वर्षी ऑगस्टमध्येही जीवे मारण्याच्या धमक्या आल्या होत्या. त्यावेळी दहशतवाद्यांच्या स्लीपर सेलमध्ये सामील असलेले २० लोक पंतप्रधान नरेंद्र मोदी यांना मारण्यासाठी तयार आहेत, असा ई-मेल पाठवण्यात आला होता. या स्लीपर सेलमध्ये २० किलो आरडीएक्स असल्याचे ई-मेलमध्ये सांगण्यात आले होते. ई-मेल पाठवणाऱ्याने त्याचा दहशतवाद्यांशी संबंध असल्याचा दावाही केला आहे. या कटाचा खुलासा होऊ नये म्हणून तो आत्महत्या करत असल्याचे ई-मेलमध्ये सांगण्यात आले.

जून २०१८, मध्ये, पोलिसांनी पुणे न्यायालयात एक पत्र सादर केले ज्यामध्ये माओवादी राजीव गांधींप्रमाणे पंतप्रधान नरेंद्र मोदी यांच्या हत्येचा कट रचत असल्याचा दावा केला होता. पुण्याच्या विशेष न्यायालयात सरकारी वकिलांनी ही माहिती दिली. जानेवारी २०१८ मध्ये भीमा-कोरेगाव येथे झालेल्या हिंसाचारप्रकरणी पाच जणांना अटक केल्यानंतर ही माहिती समोर आल्याचा दावा पोलिसांनी केला होता.

पत्रात म्हटले आहे की, “जर हाच ट्रेंड असाच चालू राहिला तर भाजप आमच्या पक्षासाठी सर्व बाजूंनी अडचणीत येईल. कॉम्रेड किशन आणि इतर काही ज्येष्ठ कॉम्रेड्सनी मोदींची राजवट संपवण्यासाठी ठोस पावले उचलण्याची सूचना केली. हत्येसारख्या आणखी एका घटनेचा विचार करत आहोत.”

RELATED ARTICLES

Most Popular