21.1 C
Ratnagiri
Saturday, February 24, 2024

सुक्या काजू बियांचे दरही गडगडले,वातावरणाचा परिणाम

प्रतिकूल आणि ढगाळ हवामान, सकाळच्या सत्रामध्ये दाट...

काजरघाटी-धारेवर ब्राऊन शुगर विकणाऱ्याला अटक

शहरालगतच्या वर्दळीचे ठिकाण असलेल्या काजरघाटी- धारेवर ब्राऊन...
HomeRatnagiriरत्नागिरीत कोकण विभागीय महसूल क्रीडा स्पर्धेचे महसूल मंत्र्यांच्याहस्ते उद्घाटन

रत्नागिरीत कोकण विभागीय महसूल क्रीडा स्पर्धेचे महसूल मंत्र्यांच्याहस्ते उद्घाटन

विजेत्यांना महसूलमंत्र्यांच्या हस्ते पारितोषिके देण्यात आली.

कोकण विभागीय महसूल क्रीडा व सांस्कृतिक स्पर्धा २०२३- २४ चे उद्घाटन क्रीडाज्योत प्रज्ज्वलित करून आणि रंगीत फुगे हवेत सोडून महसूलमंत्री राधाकृष्ण विखे-पाटील यांच्या हस्ते करण्यात आले. यावेळी उद्योगमंत्री उदय सामंत, खासदार विनायक राऊत, आमदार भास्कर जाधव, महसूलचे अप्पर मुख्य सचिव डॉ. राजगोपाल देवरा, आयकर विभागाच्या आयुक्त डॉ. माधवी, विभागीय आयुक्त डॉ. महेंद्र कल्याणकर, आदी उपस्थित होते. याप्रसंगी मंत्री विखे-पाटील म्हणाले, विभागीय क्रीडा स्पर्धा भरवण्याची चांगली परंपरा महसूल विभागाने राखली आहे. यातून अधिकारी, कर्मचाऱ्यांची एकमेकांशी ओळख होऊन संबंध अधिक दृढ होतील. त्यांच्यातील कलागुणांना वाव मिळेल. आमदार जाधव म्हणाले, महसूल विभागाने देशाची यंत्रणा मजबूत केल्याचे सांगून रत्नागिरी जिल्ह्याला प्रथम क्रमांकाचा सन्मान मिळावा, अशा शुभेच्छा दिल्या.

जिल्हाधिकारी एम. देवेंदर सिंह यांस पुष्पहार अर्पण करण्यात आला. खेळाडूंनी संचलन करून मानवंदना दिली. प्रांताधिकारी अजित थोरबोले यांनी खेळाडूंना शपथ दिली. या निमित्ताने झालेल्या संचलनात रत्नागिरीने प्रथम क्रमांक मिळवला. द्वितीय क्रमांक रायगडने आणि तृतीय क्रमांक मुंबई उपनगरने मिळवला. १०० मीटर धावणेमध्ये पुरुषांमध्ये रत्नागिरीने प्रथम, सिंधुदुर्गने द्वितीय आणि रायगडनें तृतीय क्रमांक मिळवला. महिला १०० मीटर धावणेत रत्नागिरी, रायगड, सिंधुदुर्ग यांनी अनुक्रमे क्रमांक मिळवले. विजेत्यांना महसूलमंत्र्यांच्या हस्ते पारितोषिके देण्यात आली. नासा व इस्रोसाठी पात्र ठरलेल्या विद्यार्थ्यांचाही याप्रसंगी सत्कार करण्यात आला.

RELATED ARTICLES

Most Popular