21.1 C
Ratnagiri
Sunday, February 25, 2024

बहुजनांनी ओबीसी झेंड्याखाली एकत्र यावे – चंद्रकांत बावकर

कुणबी समाजासह ओबीसी समाजाच्या विकासासाठी संघटन होण्यासह...

सहा शेतकऱ्यांना राज्यस्तरीय कृषी पुरस्कार

कृषी, कृषी संलग्न क्षेत्र फलोत्पादन क्षेत्रात उल्लेखनीय...

रत्नागिरी ‘लायन्स क्लब’च्या डायलिसिस सेंटरचा प्रारंभ

लायन्स चॅरिटेबल ट्रस्ट संचालित यशस्वी नेत्र रुग्णालयानंतर...
HomeKokanकत्तलीसाठी ११ जनावरे घेऊन जाणाऱ्या दोन गाड्या पकडल्या

कत्तलीसाठी ११ जनावरे घेऊन जाणाऱ्या दोन गाड्या पकडल्या

संगमेश्वर साखरपा मार्गावर संगमेश्वर बस स्थानक आणि देवरुख मार्गावर दोन गाड्यांमध्ये दाटीवाटीने पाळीव जनावरे भरून जाणाऱ्या दोघांना संगमेश्वर पोलिसांनी मोठ्या शिताफीने पकडले. या दोन गाड्या आणि पाळीव जनावरे ताब्यात घेतलेली आहेत. कत्तलीसाठी ही जनावरे नेली जात असल्याचा संशय आहे. सोमवारी रात्री आणि मंगळवारी पहाटेच्या दरम्यान पोलीसांनी ही कारवाई केली. संगमेश्वर पोलीस ठाण्याचे पोलीस सचिन कामेरकर, आकाश लांडगे, भाऊ मोहितें यांनी पोलीस उपनिरीक्षक देशमुख यांच्या मार्गदर्शनाखाली ही कारवाई केली. शाहूवाडी कोल्हापूर येथील शिवाजी धोंडीराम शिंदे, याने त्याचे ताब्यातील ४०७ टाटा टेम्पोमध्ये गाडीचा इन्श्युरन्स, परवाना नसताना ६ जनावरे दाटीवाटीने भरली होती. वाहतुक करत होते. सुधीर गणपत सावर्डेकर, वय ५३ वर्षे, रा. असुर्डे, जनावरे दाटीवाटीने भरलेल्या स्थितीत घेऊन जात होता.

ही जनावरे गैरकायदा कत्तलीसाठी वाहतुक करीत असल्याची खबर संगमेश्वर पोलिसांना मिळाली होती. संगमेश्वर पोलीस ठाण्याचे पोलीस उपनिरीक्षक देशमुख यांच्या मार्गदर्शनाखाली भाऊ मोहिते सचिन कामेरकर, आकाश लांडगे, पंदेरे, किशोर जोयशी, सोमा आव्हाड, बरगाळे यांना ही माहिती मिळाल्यानंतर त्यांनी सोमवारी रात्री आणि मंगळवारी पहाटेच्या दरम्यानं संगमेश्वर बस स्थानकाच्या जवळ देवरुख मार्गावर केलेल्या कारवाईमध्ये दोन गाडया तसेच ११ जनावरे असा सुमारे ८ लाख ७४ हजाराचा मुद्देमाल जप्त केला आहे. याबाबत संगमेश्वर पोलीस ठाण्यात गुन्हाची नोंद करण्यात आलेली आहे. अधिक तपास संगमेश्वर पोलीस करीत आहेत.

RELATED ARTICLES

Most Popular