दक्षिण कोकणात येत्या २४ तासात पावसाची शक्यता

आगामी ४८ तासात महाराष्ट्राच्या अनेक भागात अवकाळी पाऊस पडेल असा अंदाज हवामान खात्याने वर्तविला आहे. तर पुढील २४ तासात मध्ये महाराष्ट्रासह दक्षिण कोकणात आणि गोव्यातही मेघगर्जनेसह धो-धो पाऊस कोसळण्याची शक्यता देखील वर्तवण्यात आली आहे. शेतकऱ्यांना आवश्यक ती खबरदारी घेण्याचे आवाहन प्रशासनाने केले आहे. राज्यात सर्वत्र अवकाळी पावसाने हजेरी लावल्यामुळे शेतीचं मोठं नुकसान झालं आहे. अशात आता पुन्हा एकदा हवामान खात्याकडून राज्याला अति मुसळधार पावसाचा इशारा देण्यात आला आहे. पुढील ४८ तास सावधनता बाळगावी असे कळविण्यात आले आहे.