पहिले महिला रुग्णालय रत्नागिरीत झाले. कोरोना काळात या रुग्णालयाचा चांगला फायदा झाला; परंतु आता महिला रुग्णालयाची इमारत वैद्यकीय महाविद्यालयासाठी वापरणे ही जनतेची फसवणूक आहे. उद्दिष्टाला बगल देऊन वैद्यकीय महाविद्यालय उभारण्यात आले आहे, असा आरोप ठाकरे शिवसेनेचा जिल्हा समन्वयक संजय पुनसकर यांनी केला. खासदार विनायक राऊत यांच्या संपर्क कार्यालयातील पत्रकार परिषदेत पुनसकर म्हणाले, नदिड जिल्हा रुग्णालयामध्ये झालेल्या दुर्घटनेच्या पार्श्वभूमीवर सामंत यांनी बैठक घेतली.
यामध्ये त्यांनी वारंवार आमच्या पक्षनेतृत्वावर नाव न घेता टीका केली; पण तेव्हा कोरोनाचे संकट गंभीर होते. सर्व काही थांबले होते. लोकांना रोजगार मिळत नव्हता. त्यासाठी शिवभोजन थाळी सुरू करण्यात आली.